Click it and Unblock the Notifications
ఓపెనర్లుగా రుతురాజ్, డెవాన్ కాన్వే..
ఓపెనర్లుగా గత సీజన్లో దంచి కొట్టిన రుతురాజ్ గైక్వాడ్.. అతనికి తోడు న్యూజిలాండ్ బ్యాటర్ డెవాన్ కాన్వే బరిలోకి దిగే అవకాశం ఉంది. మొయిన్ అలీ ఫస్ట్ మ్యాచ్కు అందుబాటులో లేడు కాబట్టి కాన్వేకు లైన్ క్లియర్ అయింది. పైగా అతను లెఫ్టాండర్ కావడం కలిసొచ్చే అంశం. లెఫ్ట్ రైట్ కాంబినేషన్ చూసుకున్నా.. కాన్వే ప్లేస్కు డోకా లేదు. ప్రముఖ క్రికెట్ అనలిస్ట్ ఆకాశ్ చోప్రా సైతం ఇదే అభిప్రాయాన్ని వ్యక్తం చేశాడు. డెవాన్ కాన్వే, రుతురాజ్లే ఓపెనింగ్ చేసే అవకాశం ఉందన్నాడు.
నంబర్ 7లో ధోనీ...
మొయిన్ అలీ ఫస్ట్ మ్యాచ్కు దూరమైన నేపథ్యంలో రాబిన్ ఊతప్పకు లైన్ క్లియర్ అయింది. అతను ఫస్ట్ డౌన్లో ఆడే అవకాశం ఉండగా.. ఆ తర్వాత అంబటి రాయుడు, రవీంద్ర జడేజా, శివమ్ దూబే బరిలోకి దిగనుండగా.. ఏడో స్థానంలో ధోనీ వచ్చే అవకాశం ఉంది. శివమ్ దూబేకు ఈ సీజన్ లిట్మస్ టెస్ట్ లాంటిది. రాణిస్తే భవిష్యత్తు ఉంటుంది లేకుంటే.. సాధారణ ఆటగాడిగానే ఉండిపోవాల్సి వస్తుంది. ధోనీ సారథ్యంలో ఆడుతున్న శివమ్ దూబేకు ఈ సీజన్ బ్రేక్ త్రూ కావొచ్చిన ఆకాశ్ చోప్రా చెప్పుకొచ్చాడు. రెండు రాయల్స్ టీమ్తో అతనికి కలిసి రాలేదని, సీఎస్కే జట్టులో స్థానం పదిలం చేసుకుంటే అతని కథ వేరేలా ఉంటుందన్నాడు.
హంగార్గేకర్కు చాన్స్..
8వ స్థానంలో వెస్టిండీస్ దిగ్గజం డ్వేన్ బ్రావో బరిలోకి దిగనుండగా.. ఆడమ్ మిల్నే, క్రిస్ జోర్డాన్లకు అవకాశం దక్కనుంది. దీపక్ చాహర్ స్థానంలో అండర్ 19 స్టార్ హంగార్గేకర్ అరంగేట్రం చేయడం ఖాయంగా కనిపిస్తోంది. చాహర్ అందుబాటులోకి వస్తే పరిస్థితులకు తగ్గట్లు జోర్డాన్, బ్రావోలకు అవకాశాలు ఇవ్వనున్నారు. ఫస్ట్ మ్యాచ్కు మొయిన్ అలీ దూరమవడంతో స్పిన్నర్గా జడేజా ఒక్కడే అందుబాటులో ఉండనున్నాడు. ఎక్స్ట్రా స్పిన్నర్ కావాలనుకుంటే శ్రీలంక స్పిన్నర్ మహేశ్ తీక్షణకు అవకాశం దక్కవచ్చు.
సీఎస్కే తుది జట్టు (అంచనా)
రుతురాజ్ గైక్వాడ్, డేవాన్ కాన్వే, రాబిన్ ఊతప్ప, అంబటి రాయుడు, రవీంద్ర జడేజా(కెప్టెన్), శివమ్ దూబే, ఎంఎస్ ధోనీ(కీపర్), డ్వేన్ బ్రావో, ఆడమ్ మిల్నే, క్రిస్ జోర్డాన్, హంగార్గేకర్
Continue with Google