Click it and Unblock the Notifications
రోహిత్ చెలరేగాలి..
స్టార్ స్పోర్ట్స్ ‘గేమ్ ప్లాన్'షో‌లో పాల్గొన్న బ్రెట్‌లీకి ముంబై ఇండియన్స్ టైటిల్ డిఫెండ్ చేసుకోవాలంటే ఏం చేయాలనే ప్రశ్న ఎదురవ్వగా ఈ విధంగా బదులిచ్చాడు. రోహిత్ శర్మ ధాటైన ఇన్నింగ్స్‌లతో ముంబైకి మంచి ఆరంభాన్ని ఇవ్వాలని బ్రెట్ లీ సూచించాడు.‘ముంబై ఇండియన్స్ తరఫున రోహిత్ పరుగులు చేయడం చాలా ముఖ్యం. అతను గోప్ప కెప్టెన్ కావచ్చు. కానీ నాయకుడనేవాడు ముందుండి పరుగులు చేస్తూ జట్టుకు అండగా నిలవాలి. అప్పుడు ఇతర ఆటగాళ్లు కూడా రాణిస్తారు.
రోహిత్ ఒక్కడే..
జట్టులో ఉన్న ఇతర ఆటగాళ్ళ కంటే రోహిత్ శర్మకు అనుభవం ఎక్కువ. యుఏఈ పరిస్థితులపై కూడా మంచి అవగాహన ఉంది. ఇక్కడ చాలా క్రికెట్ ఆడాడు. మంచి ప్రదర్శనలు కూడా చేశాడు. బ్యాటింగ్‌లో చెలరేగితే కెప్టెన్‌గా అతనిపై ఉన్న భారం కూడా తగ్గుతుంది. బ్యాట్స్‌మన్‌గా రోహిత్ రాణిస్తే ఆ జట్టు టైటిల్ గెలిచే అవకాశాలు ఎక్కువగా ఉంటాయి.'అని బ్రెట్‌లీ పేర్కొన్నాడు.
ప్లే ఆఫ్స్‌కు చేరుతుంది..
ఇక డిఫెండింగ్ చాంపియన్ అయిన ముంబైకి ఈ సీజన్ ప్లే ఆఫ్స్ చేరే అవకాశం ఉందని బ్రెట్ లీ అంచనా వేశాడు. ముంబై ఇండియన్స్ జట్టు మంచి సమతూకంతో ఉందన్నాడు. ‘గతేడాది చాంపియన్ అయిన ముంబై జట్టు ఈ సీజన్‌లో కూడా మంచి సమతూకంతో ఉంది. పొలార్డ్ మంచి ఫామ్ లో ఉన్నాడు. రోహిత్ శర్మ ఎలా ఆడుతాడో తెలిసిందే. జస్ ప్రీత్ బుమ్రా కూడా టీ20ల్లో గొప్ప బౌలర్.. ఆ జట్టు మంచి స్పిన్ ఆప్షన్స్‌తో పాటు పవర్ హిట్టర్స్‌ను కలిగి ఉంది. ఇలా అన్ని విషయాల్లో పటిష్టంగా ఉన్న ఆ జట్టు ప్లే ఆఫ్స్ చేరడం ఖాయం.'అని బ్రెట్ లీ పేర్కొన్నాడు.
