Click it and Unblock the Notifications
ఇంపాక్ట్ ప్లేయర్ రూల్..
అయితే ఇలాంటి పరిస్థితుల్లో తుది జట్టులో లేని దినేశ్ కార్తీక్ను దీపక్ హుడాకు బదులు తీసుకునే ఇంపాక్ట్ ప్లేయర్ రూల్ను ఐపీఎల్ 2023 సీజన్లో ప్రవేశ పెట్టేందుకు బీసీసీఐ కసరత్తులు చేస్తోంది. అన్ని అనుకున్నట్లు జరిగితే వచ్చే సీజన్లో ఈ ఇంపాక్ట్ ప్లేయర్ రూల్ను మనం చూడొచ్చు.
ఈ రూల్ ప్రకారం తుది జట్టులో లేని ఓ ఆటగాడిని మ్యాచ్ జరగుతుండగా 14 ఓవర్ల లోపు మరో ఆటగాడికి రిప్లేస్మెంట్గా ఆడించవచ్చు. ఉదహారణకు శ్రీలంకతో జరిగిన ఆసియాకప్ మ్యాచ్లో ఈ రూల్ ఉంటే దీపక్ హుడా బదులు దినేశ్ కార్తీక్ను బరిలోకి దించే వెసులు బాటు ఉండేది. బౌలింగ్ సమయంలో కూడా కావాల్సిన బౌలర్ను తీసుకోవచ్చు. అయితే రిప్లేస్ మెంట్గా జట్టును వీడిన ఆటగాడు మాత్రం మళ్లీ మైదానంలోకి బరిలోకి దిగే అవకాశం లేదు. కనీసం సబ్స్టిట్యూట్ ఫీల్డింగ్ చేసేందుకు కూడా అతను అనర్హుడు.
14 ఓవర్ల లోపు ఎప్పుడైనా..
మ్యాచ్ జరుగుతుండగా.. ఫోర్త్ అంపైర్ లేదా.. ఫీల్డ్ అంపైర్కు సమాచారమిచ్చి ఇంపాక్ట్ ప్లేయర్ను బరిలోకి దింపాలి. ఫుట్బాల్, రగ్బీ, బాస్కెట్ బాల్ మ్యాచ్ల్లో ఇప్పటికే ఈ ఇంపాక్ట్ ప్లేయర్ రూల్ను అమలు చేస్తున్నారు. ఈ కొత్త రూల్ కారణంగా మ్యాచ్ మరింత రసవత్తరంగా ఉండనుంది. ముఖ్యంగా ఏ ఆటగాడైన తీవ్రంగా గాయపడి ఆడే లేని పరిస్థితులో ఉన్నప్పుడు ఆ జట్టుకు బాగా ఉపయోగపడనుంది.
ఇంపాక్ట్ ప్లేయర్గా వచ్చిన ఆటగాడు బ్యాటింగ్ చేయడంతో పాటు 4 ఓవర్ల పాటు బౌలింగ్ కూడా చేయవచ్చు. ముందుగా అక్టోబర్ 11 నుంచి జరగనున్న దేశవాళీ టీ20 లీగ్ సయ్యద్ ముస్తాక్ అలీ ట్రోఫీలో ఈ రూల్ను ప్రయోగించాలని బీసీసీఐ భావిస్తోంది. అక్కడ సక్సెస్ అయితే ఐపీఎల్లో కూడా ప్రవేశ పెట్టనున్నారు.
రాష్ట్ర అసోసియేషన్లకు సమాచారం..
ఇప్పటికే ఈ రూల్కు సంబంధించిన ఓ నోటీసును బీసీసీఐ.. రాష్ట్ర అసోసియేషన్లకు పంపించింది. 'ఇంపాక్ట్ రూల్ ప్రధాన కాన్సెప్ట్.. జట్టులో ఓ సబ్స్టిట్యూట్ ప్లేయర్కు బౌలింగ్, బ్యాటింగ్ చేసే అవకాశం ఇవ్వడమే. ఇది గేమ్కు సరికొత్త వ్యూహాత్మక కోణాన్ని అందిస్తోంది. ఇప్పటికే ఫుట్బాల్, రగ్బీ, బాస్కెట్ బాల్, బేస్ బాల్లో ఈ ఇంపాక్ట్ ప్లేయర్ రూల్ అమలులో ఉంది. 'అని ఆ నోటీసులో బీసీసీఐ పేర్కొంది.
Continue with Google