అభిమానులకు పండగే.. రెండేళ్లు నాన్‌స్టాప్ క్రికెట్! మూడు ప్రపంచకప్‌లు! టీమిండియా షెడ్యూల్‌ ఇదే!

BCCI announces Team India schedule from 2021 to 2023, Here is full list

BCCI Announces Indian Cricket Team's Schedule From 2021-2023

ముంబై: గత ఏడాది కరోనా వైరస్ మహమ్మారి క్రికెట్‌పై తీవ్ర ప్రభావం చూపింది. ఎందుకంటే వైరస్ కారణంగా చాలా వ‌ర‌కు క్రికెట్ టోర్నీలు రద్దు అయ్యాయి. కరోనా ప్రభావం ఆర్ధికంగా చాలా క్రికెట్ బోర్డులపై పడింది. చివరకు బయో బబుల్ వాతావరణం సృష్టించి మ్యాచులు నిర్వహించారు. టీమిండియా అయితే మార్చి నుంచి నవంబర్ చివరి వరకు ఒక్క మ్యాచ్ ఆడలేదు. అయితే సెప్టెంబర్ 19 నుంచి నవంబర్ వరకు ఐపీఎల్ 2020ని మాత్రం భారత ఆటగాళ్లు ఆడారు. ఆపై ఆస్ట్రేలియాతో సుదీర్ఘ పర్యటనకు వెళ్లిన భారత్.. ఇప్పుడు స్వదేశంలో ఇంగ్లండ్ జట్టుతో టెస్ట్ సిరీస్ ఆడుతోంది. దాదాపు ఏడాది తర్వాత మ్యాచ్ జరుగుతుండడంతో ఫాన్స్ ఆనందం వ్యక్తం చేస్తున్నారు.

రెండేళ్ల పాటు నాన్‌స్టాప్‌ క్రికెట్

అభిమానులను భారత జట్టు రెండేళ్ల పాటు నాన్‌స్టాప్‌గా అల‌రించ‌నున్న‌ది. 2021-2023 వ‌ర‌కు సంబంధించిన టీమిండియా షెడ్యూల్‌ను భారత క్రికెట్ మండలి (బీసీసీఐ) తాజాగా రిలీజ్ చేసింది. 2022లో ఆస్ట్రేలియాలో జ‌ర‌గ‌నున్న ప్రపంచకప్‌ వ‌ర‌కు.. దాదాపు 15 నెల‌ల పాటు బ్రేక్ లేకుండా కోహ్లీ సేన క్రికెట్ ఆడ‌నున్న‌ది. అయితే గత ఏడాది కరోనా వ‌ల్ల ఆస్ట్రేలియాలో టీ20 ప్రపంచకప్ టోర్నీ రద్దు అయిన విష‌యం తెలిసిందే. దీంతో 2021 నుంచి 2023 వ‌ర‌కు మూడు ప్రపంచకప్ టోర్నీలు జ‌ర‌గ‌నున్నాయి. ఓసారి టీమిండియా షెడ్యూల్‌ పరిశీలిద్దాం.