ఇమ్రాన్ ఖాన్ ఆదేశాలతో..
1992 వరల్డ్కప్తో రిటైరైన ఇమ్రాన్ ఖాన్...తన శిష్యుడు, అప్పటి కెప్టెన్ వసీం అక్రమ్ కలిసి మియాందాద్ను తొలగించారని బాసిత్ ఆరోపించాడు. అప్పటి వరకు నాలుగో స్థానంలో అద్భుతంగా బ్యాటింగ్ చేసిన తనను మియాందాద్ ఉద్వాసనతో ఆరో స్థానంలో బ్యాటింగ్ చేయమన్నారని గుర్తు చేసుకున్నాడు.
‘1993 ప్రాంతంలో జట్టునుంచి మియాందాద్కు ఉద్వాసన పలకడానికి కుట్ర జరిగింది. అందుకే నన్ను జావెద్తో పోల్చడం ప్రారంభించారు. నిజాయతీగా చెప్పాలంటే మియాందాద్తో పోలిస్తే ఒక్కశాతం కూడా అతడికి నేను సరితూగను. నాలుగోస్థానంలో దిగే నన్ను మియాందాద్ను తప్పించగానే ఆరోస్థానానికి దిగజార్చారు. నాలుగో స్థానంలో అద్భుతంగా బ్యాటింగ్ చేసిన నేను ఆరో స్థానంలో దారుణంగా విఫలమయ్యాను. ఆ ప్లేస్లో నేను ఆడలేననే విషయం వారికి తెలుసు.
నా ఆట పట్ల నాకు ప్యాషన్ ఉండేది. నేను భారీ షాట్లు ఆడబోయి ఔటయ్యేవాడిని. నాకు బ్యాటింగ్ కూడా వచ్చేది కాదు. ఆ సమయంలో వసీం అక్రమ్ కెప్టెన్. ఇమ్రాన్ ఆదేశాలమేరకు నడుచుకునే అక్రమ్ ఇదంతా చేశాడు.'అని బాసిత్ ఆరోపించాడు.
ముందు జావేద్ లేడు..
ఇక 1996 ప్రపంచకప్ పాకిస్థాన్ జట్టులో ముందుగా మియాందాద్ పేరు లేదని, తాను వైదొలిగితేనే జావెద్ జట్టులోకి వచ్చాడని బాసిత్ తెలిపాడు. ‘ముందుగా ప్రకటించిన 1996 ప్రపంచకప్ పాకిస్థాన్ జట్టులో మియాందాద్ పేరు లేదు. 15 సభ్యులతో కూడిన టీమ్లో నేనొకడిని. కానీ మియాందాద్ ప్లేయర్ల దగ్గరకు వచ్చి అతనికి వరల్డ్కప్ ఆడాలనుందని రిక్వెస్ట్ చేశాడు. అత్యధిక ప్రపంచకప్లు ఆడిన రికార్డు నమోదు చేయాలనుకుంటున్నట్లు తెలిపాడు.
అతని కోసం ఎవరు ప్లేస్ ఇస్తారని ప్రశ్నించాడు. దీంతో అతనిపై ఉన్న గౌరవంతో నా ప్లేస్ను త్యాగం చేశాను.
అదే నా బెస్ట్ టూర్..
1987లో ఇండియా టూర్కు వచ్చినప్పుడు భారత ఆటగాళ్లతో కలిసి హోలీ ఆడామని జావెద్ మియాందాద్ తెలిపిన విషయం తెలిసిందే. ఓ యూట్యూబ్ వీడియోలో మాట్లాడుతూ మధురమైన ఈ పాత జ్ఞాపకాన్ని నెమరేసుకున్నాడు. ‘బెంగళూరులో టెస్టు సందర్భంగా భారత్-పాక్ ఆటగాళ్లు ఒకే హోటల్లో స్టే చేశాం. సాయంత్రం మేమంతా ఒకే చోట చేరి సరదాగా మాట్లాడుకునే వాళ్లం. అది హోలీ సీజన్ కావడంతో హోటల్లోని వారంతా హోలీ ఆడేవారు. నాకు ఇంకా గుర్తుంది. మేమంతా కలిసి ఇమ్రాన్ఖాన్ రూంలోకి వెళ్లి రంగులు చల్లుకున్నాం. భారత క్రికెటర్లను కూడా మేము వదల్లేదు. వారు కూడా మాకు ఎలాంటి అడ్డు చెప్పలేదు' అని ఈ పాక్ లెజండరీ బ్యాట్స్మన్ గుర్తు చేసుకున్నాడు. ఇక తనకెరీర్లో ఇదే బెస్ట్ టూర్ అని చెప్పుకొచ్చాడు.