చరిత్ర సృష్టించిన బంగ్లాదేశ్ బౌలర్!

బంగ్లాదేశ్ పేసర్ హసన్ మహమూద్ టెస్ట్ క్రికెట్లో చరిత్ర సృష్టించాడు. అబుదాబిలో ఆఫ్ఘనిస్తాన్‌తో జరుగుతున్న ఏకైక టెస్ట్ మ్యాచ్ మూడో రోజున ఈ 26 ఏళ్ల బౌలర్ హ్యాట్రిక్ సాధించాడు. దీంతో టెస్ట్ క్రికెట్లో హ్యాట్రిక్ సాధించిన తొలి బంగ్లాదేశ్ ఫాస్ట్ బౌలర్‌గా హసన్ మహమూద్ నిలిచాడు. ఆఫ్ఘనిస్తాన్ తొలి ఇన్నింగ్స్‌లోని 83వ ఓవర్లో హసన్ మహమూద్ ఈ ఘనతను సాధించాడు. ఆ ఓవర్లోని మూడో బంతికి అతను ఇస్మత్ ఆలంను బౌల్డ్ చేశాడు. ఆ తర్వాతి బంతికి కొత్త బ్యాటర్ ఖైస్ అహ్మద్‌ను ఔట్ చేశాడు. దీని తర్వాత తన హ్యాట్రిక్‌ను పూర్తి చేయడానికి హసన్ మహమూద్‌కు మరో వికెట్ అవసరమైంది.

IND vs WI 3rd T20: ఓటమికి ప్రతీకారం.. విండీస్‌ను దెబ్బకొట్టే ఐదుగురు హీరోలు వీరే!

హసన్ మహమూద్ ఆ ఓవర్‌లోని ఐదో బంతికి జియా-ఉర్-రహ్మాన్‌పై ఎల్బీడబ్ల్యూ కోసం అప్పీల్ చేశాడు, కానీ ఆన్-ఫీల్డ్ అంపైర్ అతని అప్పీల్‌ను తిరస్కరించాడు. బంగ్లాదేశ్ రివ్యూ తీసుకోవాలని నిర్ణయించుకుంది. రీప్లేలు, హాక్-ఐ టెక్నాలజీలో బంతి ఆఫ్ స్టంప్‌ను తాకినట్లు తేలడంతో, అంపైర్ తన నిర్ణయాన్ని మార్చుకోవలసి వచ్చింది. ఈ విధంగా హసన్ మహమూద్ వరుసగా మూడు బంతుల్లో మూడు వికెట్లు తీసి టెస్ట్ క్రికెట్‌లో తన తొలి హ్యాట్రిక్‌ను పూర్తి చేశాడు . అతని ఈ ఘనత బంగ్లాదేశ్ క్రికెట్‌లో ఓ కొత్త అధ్యాయానికి నాంది పలికింది.

టెస్ట్ క్రికెట్‌లో హ్యాట్రిక్ సాధించిన బంగ్లాదేశ్‌కు చెందిన మూడో బౌలర్ హసన్ మహమూద్. అతనికి ముందు 2003లో పెషావర్‌లో పాకిస్థాన్‌పై అలోక్ కపాలి హ్యాట్రిక్ సాధించాడు. 2013లో చిట్టగాంగ్‌లో న్యూజిలాండ్‌తో జరిగిన టెస్టులో సోహగ్ గాజీ ఈ ఘనతను సాధించాడు. అయితే హసన్‌కు ముందు ఈ ఘనత సాధించిన ఇద్దరు బౌలర్లు స్పిన్నర్లే.

Also Read

భారత్‌తో పోరుకు కివీస్ సిద్ధం: వన్డే జట్టు ప్రకటన... స్టార్ ఆల్‌రౌండర్ రీఎంట్రీ!

ఆఫ్ఘనిస్తాన్ తొలి ఇన్నింగ్స్‌లో హసన్ మహమూద్ 55 పరుగులకు ఐదు వికెట్లు పడగొట్టాడు . అతని ప్రదర్శన ఫలితంగా ఆఫ్ఘనిస్తాన్ 240 పరుగులకే ఆలౌట్ అయింది. బంగ్లాదేశ్ తమ తొలి ఇన్నింగ్స్‌లో 346 పరుగులు చేసింది. దీంతో తొలి ఇన్నింగ్స్ ఆధారంగా బంగ్లాదేశ్ 106 పరుగుల ఆధిక్యాన్ని సంపాదించి, మ్యాచ్‌లో తమ స్థానాన్ని పటిష్టం చేసుకుంది.