పుష్ప సినిమా బాగా నచ్చిందబ్బా: బంగ్లాదేశ్ క్రికెటర్

నజ్మూల్ ఇస్లామ్..

బంగ్లాదేశ్ ప్రీమియర్ లీగ్(బీపీఎల్)‌లో నజ్మూల్ ఇస్లామ్ అనే బౌలర్ వికెట్ తీసిన ఆనందంలో 'నీ అవ్వ తగ్గేదేలే'అనే అల్లు అర్జున్ మ్యానరిజాన్ని ప్రదర్శిస్తూ సంబరాలు చేసుకున్న విషయం తెలిసిందే. దీనికి సంబంధించిన వీడియో నెట్టింట కూడా వైరల్‌ అయింది. బీబీఎల్‌లో జరిగిన ఓ లీగ్ మ్యాచ్‌లో బంగ్లాదేశ్‌కు చెందిన నజ్మూల్ ఊరించే బంతితో బ్యాట్స్‌మన్‌ను బోల్తా కొట్టించాడు.

ఎక్స్‌ట్రా కవర్ దిశగా బ్యాట్స్‌మన్ కొట్టిన షాట్‌ను ఫీల్డర్ పరుగెత్తి అద్బుతంగా అందుకున్నాడు. దాంతో నజ్మూల్ అల్లు అర్జున్ డైలాగ్ తగ్గేదే లే డైలాగ్‌కు సంబంధించిన మేనరిజాన్నీ ప్రదర్శించాడు. గడ్డం కింద నుంచి చేయి అడ్డంగా జరుపుతూ సంబరాలు చేసుకున్నాడు.

బాగా నచ్చిందబ్బా..

అయితే మ్యాచ్ అనంతరం బ్రాడ్‌కాస్ట్ హోస్ట్ ఆ ట్రేడ్ మార్క్ సెలెబ్రేషన్‌ గురించి ప్రశ్నించగా.. నజ్మూల్ ఆసక్తికర వ్యాఖ్యలు చేశాడు. ఇటీవలే తాను పుష్ప సినిమా చూశానని, తనకు బాగా నచ్చిందని తెలిపాడు. ముఖ్యంగా హీరో అల్లు అర్జున్ నటనకు ఫిదా అయ్యానని, అతని మ్యానరిజం బాగా నచ్చిందని చెప్పాడు.

దాంతోనే వికెట్ తీసిన తర్వాత తగ్గేదేలే అంటూ సెలెబ్రేట్ చేస్తుకున్నానని తెలిపాడు. ఆ మూవీ చూసినప్పుటి నుంచి అదే ట్రాన్స్‌లో ఉన్నానని తెలిపాడు. పుష్ప సినిమాలోని పుష్ఫరాజ్‌లా సవాళ్లు స్వీకరించడం తనకు చాలా ఇష్టమని చెప్పుకొచ్చాడు. దీనికి సంబంధించిన వీడియో ప్రస్తుతం నెట్టింట వైరల్‌గా మారింది.

Allu Arjun Reacted David Warner's Hook Step From Pushpa | Oneindia Telugu

బన్నీ ఫ్యాన్స్ ఫిదా..

ఈ వీడియోకు సంబంధించిన ట్వీట్‌ను పుష్ప అధికారిక ట్విటర్‌ హ్యాండిల్ రీట్వీట్ చేసింది. దాంతో తెలుగు అభిమానులు తెగ ఖుషి అవుతున్నారు. ‘బన్నీనా మజాకా.. నీ అవ్వ తగ్గేదేలే'.. పుష్ఫ.. పుష్ప రాజ్ అంటూ కామెంట్ చేస్తున్నారు. బన్నీ సినిమా అంటే ప్రపంచం మొత్తం షేక్ అవ్వాల్సిందే అంటూ సంతోషం వ్యక్తం చేస్తున్నారు. చెన్నై సూపర్ కింగ్స్ ఆల్‌రౌండర్ డ్వేన్ బ్రావో సైతం పుష్ప సినిమాలోని శ్రీవల్లి పాట స్టెప్పులేసాడు. ప్రపంచవ్యాప్తంగా ఉన్న సెలెబ్రిటీలంతా పుష్ప ట్రెండ్‌‌ను ఫాలో అవుతున్నారు.