Australia Cricket Awards: తళుక్కుమన్న క్రికెటర్ల సతీమణులు!

ఆస్ట్రేలియా క్రికెట్ అవార్డ్స్ ఫంక్షన్ ఘనంగా జరిగింది. సినిమా ఫంక్షన్ తరహాలో సాగిన ఈ కార్యక్రమానికి ఆస్ట్రేలియా ఆటగాళ్లు సతీసమేతంగా హాజరయ్యారు. కలర్‌ఫుల్ డ్రెస్స్‌లో సతీమణులతో కనువిందు చేశారు. హాలీవుడ్ హీరో, హీరోయిన్లను తలపించేలా తయారైన ఆసీస్ ఆటగాళ్లు.. వారి సతీమణులు కెమెరాలకు సినీ తారల్లా ఫోజులిచ్చారు. ప్రస్తుతం ఆస్ట్రేలియా క్రికెటర్లు, వారి సతీమణులకు సంబంధించిన ఫొటోలు నెట్టింట వైరల్‌ అయ్యాయి. ఈ ఫొటోలను చూసిన నెటిజన్లు ఇది క్రికెట్ అవార్డ్స్ ఫంక్షనా? లేక అందాల పోటీనా? అంటూ కామెంట్ చేస్తున్నారు.

ఇక గతేడాది అసాధారణ ప్రదర్శన కనబర్చిన ఆస్ట్రేలియా క్రికెటర్లకు క్రికెట్ ఆస్ట్రేలియా(సీఏ) అవార్డులు అందజేసింది. ఆశ్చర్యకరమైన విషయం ఏంటటే.. క్రికెట్ ఆస్ట్రేలియా అందించే అవార్డుల్లో అత్యుత్తమైన అవార్డ్ అయిన అలెన్ బోర్డర్ మెడల్ మిచెల్ మార్ష్‌కు దక్కింది. రెండు ఐసీసీ టైటిళ్లు గెలిపించిన ప్యాట్ కమిన్స్‌కు బదులు మిచెల్ మార్ష్‌కు ఈ అవార్డు ఇవ్వడం విశేషం.

Australia Cricket Awards: Mitchell Marsh wins Allan Border Medal, check full list of winners

అత్యుత్తమ ప్రదర్శన కనబర్చిన ఆటగాళ్లకు అవార్డులు అందజేయడంతో పాటు గతేడాది అంతర్జాతీయ క్రికెట్‌కు వీడ్కోలు పలికిన షాన్ మార్ష్, మెగ్ లాన్నింగ్, ఆరోన్ ఫించ్, డేవిడ్ వార్నర్‌లను ఘనంగా సన్మానించింది.