ఆస్ట్రేలియా సరిహద్దులు బంద్ .. టీమిండియా టూర్‌‌కు దెబ్బ!

టీ20 ప్రపంచకప్ కూడా..

అక్టోబర్‌లో టీమిండియా ఆసీస్ టూర్‌తో పాటు టీ20 ప్రపంచకప్‌ ఈ జాబితాలో పెద్దవి. అక్టోబర్‌లో జరిగే టీ20 ట్రై సిరీస్‌తో మొదలయ్యే టీమిండియా ఆసీస్ పర్యటన.. డిసెంబర్‌లో టెస్ట్ సిరీస్‌తో ముగుస్తుంది. ఈ మధ్యలో అక్టోబర్ 18న ఆసీస్ వేదికగా టీ20 వరల్డ్‌కప్ మొదలవుతుంది.

2వేల కరోనా కేసులు..

ప్రస్తుతం ఆస్ట్రేలియాలో రెండు వేలకు పైగా కరోనా పాజిటివ్ కేసులు ఉండగా.. 16 మంది ప్రాణాలు కోల్పోయారు. దీంతో ఆసీస్ ప్రభుత్వం సరిహద్దులు మూసి వేసింది. ఓ పక్క ఐపీఎల్ విషయంలో ఎటు తేల్చుకోలేక గందరగోళంలో ఉన్న బీసీసీఐకి ఇప్పుడిదో కొత్త సమస్యగా మారింది. ఆస్ట్రేలియా ప్రభుత్వ నిర్ణయం వల్ల నిజానికి ఏ టీమ్ కూడా ఆ దేశంలో అడుగుపెట్టలేదు.

పరిస్థితులు అదుపులోకి వస్తే..

వరల్డ్ టీ20 సహా అన్ని సిరీస్‌లను ఇది ప్రభావితం చేయనుంది. అయితే పరిస్థితులు అదుపులోకి వస్తే 6 నెలల నిషేధాన్ని ఏక్షణమైనా ఎత్తివేస్తారని, అందువల్ల కంగారు పడాల్సిన పనిలేదని బీసీసీఐ ఆఫీస్ బేరర్ ఒకరు తెలిపారు. ఒకవేళ ట్రావెల్ బ్యాన్ 6 నెలలపాటు కొనసాగితే మాత్రం లాజిస్టికల్ సమస్యలు తప్పవని బోర్డుకు చెందిన మరో అధికారి అన్నారు. వీసాలు,టిక్కెట్ల విషయంలో తలనొప్పులు తప్పవన్నారు. సెప్టెంబర్‌లో ఇంగ్లండ్ జట్టు ఇండియా టూర్‌పై కూడా సందేహాలు నెలకొన్నాయి.