|
నిద్ర లేచేసరికి ఇలా ఉంటా:
స్టీవ్ స్మిత్ గాయపడిన నేపథ్యంలో ఆర్చర్ అతన్ని ఉద్దేశిస్తూ ట్విటర్లో ఓ పోస్టు చేసాడు. ఓ పెద్దాయన సోఫా మీద నుంచి కర్ర సహాయంతో పైకి లేవడానికి ప్రయత్నిస్తుండగా.. ఆ కర్ర కిందపడే జిఫ్ ఫైల్ని జత చేశాడు. 'రేపు ఉదయం బెడ్ మీద నిద్ర లేచేసరికి నేను ఇలా ఉంటా' అని రాసుకొచ్చాడు. ఇది చూసిన ఓ నెటిజన్ 'తలలేని ఓ వ్యక్తి బాల్కనీలో నిలబడే' జిఫ్ ఫైల్ని జత చేసి రీట్వీట్ చేశాడు. 'స్టీవ్ స్మిత్ ఉదయం ఇలా లేచాడు' అని పోస్ట్ పెట్టాడు.
|
మోస్ట్ డేంజరస్ బౌలర్:
నెటిజన్ పెట్టిన పోస్ట్ చూసి ప్రతిస్పందించిన ఆర్చర్.. సరదాగా ఉందని మరో ట్వీట్ చేసాడు. ఇంగ్లండ్ స్వింగ్ కింగ్ జేమ్స్ ఆండర్సన్ గాయపడడంతో రెండో టెస్టులో ఆర్చర్ ఆరంగేట్రం చేసాడు. అరంగేట్ర టెస్టులో ఐదు వికెట్లు తీసి ఆర్చర్ అటు క్రికెట్ అభిమానులతో పాటు ఇటు మాజీ క్రికెటర్లచే కొనియాడబడుతున్నాడు. ఆర్చర్ మోస్ట్ డేంజరస్ బౌలర్ అంటూ ప్రశంసల వర్షం కురిపిస్తున్నారు.
నేరుగా ప్రపంచకప్కు:
బార్బడోస్లో జన్మించిన ఆర్చర్ విండీస్ అండర్-19 ప్రపంచకప్కు ఎంపిక కాకపోవడంతో ఇంగ్లాండ్కు వచ్చి క్లబ్ క్రికెట్ ఆడడంతో వెలుగులోకి వచ్చాడు. అద్భుత ప్రదర్శన చేయడంతో ఎలాంటి అంతర్జాతీయ క్రికెట్ అనుభవం లేకపోయినా.. నేరుగా ఇంగ్లాండ్ తరఫున ప్రపంచకప్-2019లో ఆడి అత్యధిక వికెట్లు సాధించాడు. ఇప్పటివరకు ఆర్చర్ 14 వన్డేలు, ఒక టెస్టు, ఒక టీ20 ఆడాడు. మూడో టెస్టు ఈనెల 22 నుంచి లీడ్స్ వేదికగా జరగనుంది.