Click it and Unblock the Notifications
కెవిన్ కొత్తిగడ..
శ్రీలంకకు చెందిన బౌలర్ కెవిన్ కొత్తిగడ టీ10 లీగ్లో మరాఠా అరేబియన్స్కు ప్రాతినిథ్యం వహిస్తున్నాడు. క్వాలండర్స్ జట్టుతో మంగళవారం జరిగిన మ్యాచ్లో ఇంగ్లండ్ యంగ్ సెన్సేషన్ టామ్ బాంటన్ బ్యాటింగ్ చేస్తుండగా.. ఈ శ్రీలంక లెగ్ స్పిన్నర్ బంతిని అందుకున్నాడు. అయితే అతను వేసిన తొలి బంతిని చూసి బాంటన్ బిత్తర పోయాడు. ఇదేం బౌలింగ్ యాక్షన్ రా అయ్యా! అంటూ ఫేస్ పెడుతూ ముసిముసి నవ్వుకున్నాడు.
రెండు సార్లు బోర్లా పడి..
ఇక కొత్తిగడ సాధారణ శైలికి భిన్నంగా తన శరీరాన్ని మొత్తం వంచి బౌలింగ్ చేయడం అందర్నీ ఆశ్చర్యపరిచింది. అయితే వినూత్న శైలిలో బౌలింగ్ చేస్తూ అతనే ఒకే ఓవర్లో రెండు సార్లు బోర్లా పడిపోయాడు. దీంతో అతని కుడికాలికి గాయమైంది. అయితే ఈ ఓవర్లో టామ్ బాంటన్ రనౌట్గా వెనుదిరిగాడు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.
కెవిన్ వీడియో చూసిన నెటిజన్లు ఫన్నీగా కామెంట్ చేస్తున్నారు. వారెవ్వా ఏం బౌలింగ్ యాక్షన్ అని కొందరంటే.. ఇలాగే బౌలింగ్ చేస్తే ఎక్కువ కాలం క్రికెట్ ఆడలేవని ఇంకొందరూ హెచ్చరిస్తున్నారు. కెవిన్ బౌలింగ్ యాక్షన్ సౌతాఫ్రికా మాజీ క్రికెటర్ పాల్ ఆడమ్స్ గుర్తు చేస్తుందని కామెంట్ చేస్తున్నారు.
క్వాలండర్స్ విజయం..
ఇక ఈ మ్యాచ్లో క్వాలండర్స్ 4 వికెట్లతో గెలుపొందింది. తొలుత బ్యాటింగ్ చేసిన మరాఠ అరేబియన్స్ నిర్ణీత 10 ఓవర్లలో 5 వికెట్లకు 101 పరగులు చేసింది. ఓపెనర్ మహ్మద్ హఫీజ్(44), షోయబ్ మాలిక్(23) రాణించారు. అనంతరం క్వాలండర్స్ 8.1 ఓవర్లలోనే 6 వికెట్లకు 104 పరుగులు చేసి 11 బంతులు మిగిలుండగానే విజయాన్నందుకుంది. ఆ జట్టులో షార్జిల్ ఖాన్(28), సోహైల్ అక్తర్(20), బెన్ డంక్(26 నాటౌట్) రాణించారు.
Continue with Google