CPL 2019: క్రిస్ గేల్ గోల్డెన్ డకౌట్ వీడియో చూశారా?

హైదరాబాద్: కరీబియన్‌ ప్రీమియర్‌ లీగ్‌(సీపీఎల్‌)లో గయానా అమెజాన్‌ వారియర్స్‌ వరుస విజయాలతో దూసుకుపోతోంది. ఇప్పటివరకు ఆడిన తొమ్మిది మ్యాచ్‌ల్లో తొమ్మిదింట విజయాలను సాధించింది. తాజాగా గురువారం జమైకా తల్హాస్‌తో జరిగిన మ్యాచ్‌లో 77 పరుగుల తేడాతో విజయం సాధించింది.

ఈ మ్యాచ్‌లో టాస్ గెలిచి తొలుత బ్యాటింగ్‌ చేసిన అమెజాన్‌ వారియర్స్‌ మొదటి రెండు ఓవర్లలోనే నాలుగు వికెట్లు కోల్పోయి కష్టాల్లో పడింది. షిమ్రాన్ హెట్‌మెయిర్, నికోలస్ పూరన్ నిరాశ పరచగా... బ్రెండన్ కింగ్, చంద్రపాల్ హేమరాజ్‌లు వరుసగా 1, 2 పరుగులకే పెవిలియన్‌కు చేరారు.

Guyana Amazon Warriors make in nine from nine as they destroy Tallawahs. #GAWvJT #CPL19 #CricketPlayedLouder #BiggestPartyInSport

READ: https://t.co/JypJczQecx pic.twitter.com/8TvcygZAYp

— CPL T20 (@CPL) October 4, 2019

ఈ దశలో క్రీజులోకి వచ్చిన కెప్టెన్‌ షోయబ్‌ మాలిక్‌(73 నాటౌట్‌; 45 బంతుల్లో 5 ఫోర్లు, 2 సిక్సర్లు) హాఫ్ సెంచరీతో చెలరేగగా... రూథర్‌ఫర్డ్‌(45; 43 బంతుల్లో 5 ఫోర్లు, 1 సిక్స్‌) రాణించాడు. దీంతో గయానా అమెజాన్ వారియర్స్ జట్టు నిర్ణీత 20 ఓవర్లలో ఆరు వికెట్ల నష్టానికి 156 పరుగులు చేసింది.

Chris Green! Take a bow! He takes the play of the day crown for this magnificent effort of bowling #CPL19 #GAWvJT #BiggestPartyInSport #CricketPlayedLouder pic.twitter.com/SEcSN40r1q

— CPL T20 (@CPL) October 4, 2019

అనంతరం బ్యాటింగ్‌ ఆరంభించిన జమైకా తల్లావస్ జట్టు 16.3 ఓవర్లలో 79 పరుగులకే ఆలౌటైంది. జమైకా తల్లవాస్ ఓపెనర్, విండిస్ విధ్వంసకర బ్యాట్స్‌మన్ క్రిస్ గేల్ తొలి బంతికే గోల్డెన్ డకౌట్ అయ్యాడు. ఆ తర్వాత క్రీజులోకి వచ్చిన గ్లెన్‌ ఫిలిప్స్‌(21), లిటాన్‌ దాస్‌(21), ట్రెవెన్‌ గ్రిఫిత్‌(11)లు రెండంకెల స్కోరును దాటగా మిగతా వారు సింగిల్‌ డిజిట్‌కే పరిమితమయ్యారు.

Stellar performance from the Captain 👌👌👌#GAWvJT #CPL19 #CricketPlayedLouder #BiggestPartyInSport pic.twitter.com/kBPTNo5jzL

— CPL T20 (@CPL) October 4, 2019

మొత్తం 15 పరుగుల వ్యవధిలో 7 వికెట్లను కోల్పోవడంతో జమైకా తల్లవాస్ ఘోరంగా ఓడిపోయింది. వారియర్స్‌ బౌలర్లలో ఇమ్రాన్ తాహీర్‌ మూడు వికెట్లు తీయగా... క్వియాస్‌ అహ్మద్‌, కీమో పాల్‌ తలో రెండు వికెట్లు పడగొట్టారు. మరోవైపు క్రిస్‌ గ్రీన్‌, హెమ్రాజ్‌, షోయబ్‌ మాలిక్‌లు తలో వికెట్ తీశారు. ఈ మ్యాచ్‌లో హాఫ్ సెంచరీతో రాణించిన షోయబ్ మాలిక్‌కు మ్యాన్ ఆఫ్ ద మ్యాచ్ అవార్డు లభించింది.