ఇంటి బాట పట్టిన సానియా, రెండవ రౌండ్‌లో సోమదేవ్

లండన్‌: హైదరాబాదీ టెన్నిస్‌ స్టార్‌ సానియా మి ర్జా వింబుల్డన్‌ టోర్నీలో తొలి రౌండ్‌లోనే నిష్ర్కమిం చింది. 60వ ర్యాంకర్‌గా బరిలోకి దిగిన సానియా.. తనకంటే.. 36 ర్యాంకులు వెనుకబడి ఉన్న.. ఫ్రా న్స్‌ క్రీడాకారిణి వర్జినీ రజానో చేతిలో 6-7, 6-2, 3-6 తేడాతో పరాజయం పాలైంది. వింబుల్డన్‌ టోర్నీలో సానియా తొలిరౌండ్‌లోనే నిష్ర్కమించడం ఇది మూడోసారి. ఇప్పటివరకు మొత్తం ఏడుసార్లు వింబుల్డన్‌లో ఆడగా.. నాలుగుసార్లు రెండో రౌండ్‌ లోకి వెళ్లగలిగింది.

గత ఏడాది కూడా సానియా తొ లి రౌండ్‌లోనే నిష్ర్కమించడం గమనార్హం. పేవలమై న ఆటతీరుతో నిరాశపరిచిన సాని యా తొలి సెట్‌లో నువ్వా నేనా అన్నట్టు పోరాడినా.. టైబ్రేక్‌లో ఒక పాయిం ట్‌ తేడా సెట్‌ కోల్పోయింది. రెండో సెట్‌ లో విజృంభించిన సానియా ప్రత్యర్థికి ఏ దశలోనూ అవకాశం ఇవ్వకుండా 6-2 తేడాతో రెండో సెట్‌ను గెలుచుకొ ని సవాలు విసిరింది. అయితే అదే జోరును చివరిదాకా కొనసాగించలేక మూడో సెట్‌లో ఘోరంగా విఫలమై 3-6 తేడాతో సెట్‌ను, సెట్‌తో మ్యాచ్‌ను చేజార్చుకుంది.

ఆరుసార్లు వింబుల్డన్‌ చాంపియన్‌గా నిలిచిన స్విస్‌ చిచ్చరపిడుగు రోజర్‌ ఫెదరర్‌ రెండో రౌండ్‌లోకి దూసుకెళ్లాడు. మూడో ర్యాంకర్‌గా బరి లోకి దిగిన ఫెదరర్‌.. కజకిస్తాన్‌కు చెందిన మిఖా యిల్‌ కుకుష్‌కిన్‌ పై 7-6 (2), 6-4, 6-2 తేడాతో విజయం సాధించాడు. ఈసారి వింబుల్డన్‌ ట్రోఫీ కైవసం చేసుకుంటే.. అత్యధిక సార్లు ఈ ఘనత సా ధించిన ఆటగాడిగా.. పీట్‌ సంప్రాస్‌ (అమెరికా) రికార్డును సమం చేస్తాడు. కాగా.. నాలుగో సీడ్‌గా బరిలోకి దిగిన ఆండీ ముర్రే.. 4-6, 6-3, 6-0, 6-0 తేడాతో స్పెయిన్‌కు చెందిన డేనియల్‌ గిమెనో ట్రెవర్‌ను ఓడించి రెండో రౌండ్‌లోకి దూసుకెళ్లాడు.