యూఎస్ ఓపెన్ విజేతగా అల్కరాజ్.. కానీ ట్రంప్‌కు ఘోర అవమానం

US Open 2025: స్పెయిన్ టెన్నిస్ సంచలనం కార్లోస్ అల్కరాజ్ యూఎస్ ఓపెన్ ఫైనల్‌లో తన చిరకాల ప్రత్యర్థి యానిక్ సిన్నర్‌ను ఓడించి ఆరో గ్రాండ్ స్లామ్ టైటిల్‌ను సొంతం చేసుకున్నాడు. ఈ హోరాహోరీ పోరులో అల్కరాజ్ 6-2, 3-6, 6-1, 6-4 తేడాతో సిన్నర్‌ను ఓడించాడు. ఈ గెలుపుతో కార్లోస్ అల్కరాజ్ రెండోసారి యూఎస్ ఓపెన్ విజేతగా నిలిచాడు. కార్లోస్ అల్కరాజ్, యానిక్ సిన్నర్ మధ్య ఈ పోరు అభిమానులను ఆద్యంతం అలరించింది. నాలుగు సెట్ల పాటు ఉత్కంఠగా ఈ మ్యాచ్ జరిగింది. ఈ విజయంతో అల్కరాజ్ ప్రపంచ నంబర్ వన్ ర్యాంకింగ్‌ను తిరిగి దక్కించుకున్నాడు. సెప్టెంబర్ 2023 తర్వాత అల్కరాజ్ మళ్లీ అగ్రస్థానానికి చేరుకోవడం ఇదే మొదటిసారి. ఈ ఓటమితో హార్డ్ కోర్టు గ్రాండ్ స్లామ్‌లలో సిన్నర్ 27 వరుస విజయాల పరంపర కూడా ముగిసింది. అల్కరాజ్ చేతిలో సిన్నర్ ఓడిపోవడం ఇది రెండో గ్రాండ్ స్లామ్ ఫైనల్. గ్రాండ్ స్లామ్ టైటిళ్ల విషయంలో కూడా యానిక్ సిన్నర్(4) కంటే అల్కరాజ్ ముందున్నాడు.

ఫైనల్ మ్యాచ్ లో అల్కరాజ్ మొదటి గేమ్‌లోనే సిన్నర్ సర్వీస్‌ను బ్రేక్ చేసి మొదటి సెట్‌ను సులభంగా గెలుచుకున్నాడు. అయితే రెండో సెట్ లో యానిక్ సిన్నర్ పుంజుకొని అల్కరాజ్ సర్వీస్ ను బలహీనపరిచి 3-1 ఆధిక్యంలోకి వెళ్లాడు. ఆ తర్వాత సిన్నర్ రెండో సెట్ గెలిచి మ్యాచ్ ను సమం చేశాడు. అయితే మూడో సెట్‌లో అల్కరాజ్ మళ్లీ ఆధిపత్యం చెలాయించాడు.అల్కరాజ్ తన విజయాన్ని కొనసాగిస్తూ మూడో సెట్‌ను కూడా సులభంగా గెలుచుకున్నాడు. నాలుగో సెట్‌లో కూడా అల్కరాజ్ తన పట్టును కోల్పోలేదు. ఈ స్పెయిన్ ఛాంపియన్ ఐదో గేమ్‌లో సిన్నర్ సర్వీస్‌ను బ్రేక్ చేసి తన ఆధిక్యాన్ని కొనసాగించాడు. ఈ విజయంతో అల్కరాజ్ హార్డ్ కోర్ట్, గ్రాస్, క్లే కోర్టులలో అనేక ప్రధాన టైటిళ్లను గెలుచుకున్న చరిత్రలో నాలుగో ఆటగాడిగా నిలిచాడు.

ఈ విజయంతో కార్లోస్ అల్కరాజ్ హార్డ్ కోర్ట్, గ్రాస్, క్లే కోర్టులలో అనేక ప్రధాన టైటిళ్లను గెలుచుకున్న చరిత్రలో నాలుగో ఆటగాడిగా నిలిచాడు. గతంలో రోజర్ ఫెదరర్ మాత్రమే 2004 నుంచి 2008 వరకు యూఎస్ ఓపెన్ టైటిల్‌ను వరుసగా ఐదు సార్లు గెలుచుకుని రికార్డు సృష్టించాడు. ఈ సారి గతంలో విజేతగా నిలిచిన సిన్నర్ తన టైటిల్ నిలుపుకోవడంలో విఫలమయ్యాడు.

డొనాల్డ్ ట్రంప్‌కు చేదు అనుభవం
యూఎస్ ఓపెన్ ఫైనల్ మ్యాచ్‌ను చూడటానికి వచ్చిన అమెరికా అధ్యక్షుడు డొనాల్డ్ ట్రంప్‌కు చేదు అనుభవం ఎదురైంది. స్టేడియానికి వచ్చిన ట్రంప్‌ను చూసి ప్రేక్షకులు కొంతమంది స్వాగతించగా.. మరికొందరు నిరసన వ్యక్తం చేస్తూ 'బూ' అంటూ నినాదాలు చేశారు.యుఎస్ ఓపెన్ ఫైనల్ మ్యాచ్‌ను చూడటానికి అమెరికా అధ్యక్షుడు డొనాల్డ్ ట్రంప్ ఆర్థర్ యాష్ స్టేడియంకు వచ్చారు. అల్కరాజ్, సిన్నర్ మధ్య జరిగిన ఈ మ్యాచ్ ను చూడటానికి వచ్చిన ఆయనకు ప్రేక్షకుల నుంచి మిశ్రమ స్పందన వచ్చింది. కొంతమంది ప్రేక్షకులు చప్పట్లు కొట్టి స్వాగతం పలకగా.. మరికొందరు 'బూ' అంటూ నిరసన వ్యక్తం చేశారు.

ట్రంప్ రాకతో స్టేడియంలో భద్రత భారీగా పెంచారు. భద్రతా తనిఖీల కారణంగా ప్రేక్షకులను స్టేడియంలోకి అనుమతించడంలో ఆలస్యం జరిగింది. దీంతో మ్యాచ్ 30 నిమిషాలు ఆలస్యంగా ప్రారంభమైంది. ట్రంప్ స్టేడియంలో ఉన్నప్పుడు ప్రేక్షకులు బూ అని అరుస్తూ తమ వ్యతిరేకతను తెలిపారు. ఇది అమెరికాలో రాజకీయ వాతావరణం ఎంతగా చీలిపోయిందో తెలియజేస్తుంది.

ట్రంప్ పాత సంబంధం
ట్రంప్ కు యుఎస్ ఓపెన్ తో పాత సంబంధం ఉంది. వైట్‌హౌస్ లోకి రాకముందు ఆయన తరచుగా ఇక్కడ మ్యాచ్ లు చూసేవారు. ఆయనకు తన సొంత ప్రైవేట్ సూట్ కూడా ఉండేది. చాలా సంవత్సరాల తర్వాత ఆయన మళ్లీ యుఎస్ ఓపెన్ కు వచ్చారు. ప్రేక్షకుల బూయింగ్, నిరసనల ద్వారా అమెరికాలో రాజకీయ వాతావరణం ఎంతగా చీలిపోయిందో స్పష్టమవుతోంది.