సానియా మిర్జా యేల్ యూనివర్సిటీ క్యాంపస్‌

వాషింగ్టన్: న్యూ హవెన్‌లోని ప్రఖ్యాత యేల్ యూనివర్శిటీలో నిర్వహించిన కిడ్స్ డే క్లినిక్‌లో భారత టెన్నిస్ స్టార్ సానియా మీర్జా పాల్గోని చిన్నారుల్లో ఉత్సాహం నింపింది. టెన్నిస్‌పై చిన్నపిల్లల్లో ఆత్మ విశ్వాసం నింపేందుకు గాను ఈ కార్యక్రమాన్ని నిర్వహించారు. చిన్నారులతో సానియా చాలా సంతోషంగా గడిపింది. చిన్నారులకు సానియా కొద్దిసేపు టెన్నిస్‌లో మెళకువలు నేర్పింది. న్యూహెవెన్ ఓపెన్ టోర్నీలో బెథానీ మట్టెక్‌-సాండ్స్‌తో కలిసి మహిళల డబుల్స్‌లో ఆడేందుకు సానియా అమెరికా వెళ్లింది.

ఈ సందర్భంగా సానియా మాట్లాడుతూ ''చిన్నారులతో టెన్నీస్‌ ఆడటమంటే తనకెప్పుడూ సంతోషమే, తానెక్కడికి పోయినా చిన్నారులను కలుస్తుంటా, ఎందుకంటే టెన్నీస్‌ పట్ల వారిలో ఎంతమేర ఉత్సుకత ఉంది అన్న విషయం తెలసుకోవడానిక ప్రయత్నిస్తుంటా'' అని పేర్కొన్నారు. ఓ టెన్నిస్ క్రీడాకారిణిగా అందరూ ఈ ఆట ఆడితే చూడాలని ఉంటుంది, ముఖ్యంగా చిన్నారుల ఆటతీరును చూసి ముగ్ధురాలనవుతుంటానని సానియా మీర్జా తెలిపారు.

యేల్ యూనివర్శిటీలో చాలా ఆహ్లాదకరమైన వాతావరణంలో చిన్నారులు ఆడితే ఇంకా బాగుంటుంది. చిన్నారులకు ఇలాంటి శిబిరాలు మరింత ప్రోత్సాహకంగా ఉంటాయిని చెప్పింది. సానియామీర్జా ఇటీవలే న్యూ హవెన్‌ ఓపెన్‌ టోర్నమెంట్‌ డబుల్స్‌లో విజయం సాధించిన విషయం తెలిసిందే.

తెలుగు వన్ఇండియా