యుఎస్ ఓపెన్: పురుషుల డబుల్స్ ఫైనల్స్‌లో పేస్ జోడీ

న్యూయార్క్: న్యూయార్క్‌లో జరుగుతున్న 87వ యుఎస్ ఓపెన్ టెన్నిస్ టోర్నమెంట్‌లో పురుషుల డబుల్స్ విభాగంలో భారత్, చెక్ రిపబ్లికన్ జోడీ ఫైనల్‌కు వెళ్లింది.
సెమీ ఫైనల్స్‌లో భాగంగా లియాండర్ పేస్, చెక్ రిపబ్లికన్ ఆటగాడు రాడిక్‌ స్టెపానిక్ జంట ఆరో సీడ్ జంట మార్సెల్ గ్రానోలర్స్, మార్క్ లోపెజ్‌లపై విజయం సాధించారు.
ప్రత్యర్ది జంట మ్యాచ్ నుంచి 6-6 స్కోరు వద్ద అర్థాంతరంగా రిటైర్ కావడంతో విజేతలుగా పేస్ జోడీని ప్రకటించారు. దీంతో ఇటీవలే ఆస్ట్రేలియా ఓపెన్‌ టైటిల్‌ను గెలుచుకున్న పేస్‌-స్టెపానిక్‌ జోడీ యుఎస్‌ ఓపెన్‌ టైటిల్‌కు మరింత చేరువయింది.

లియాండర్ పేస్, చెక్ రిపబ్లికన్ ఆటగాడు రాడిక్‌ స్టెపానిక్ జోడీ ఫైనల్‌లో అమెరికన్ జంట బాబ్ అండ్ మైక్ బ్రియాన్, పాక్‌-నెదర్లాండ్స్‌ జోడీ జంట హ్యాషీమ్ అల్ హక్ ఖురేషీ, జీన్ జులియన్ రోజర్‌ల మధ్య శుక్రవారం జరిగే మరో సెమీ ఫైనల్ విజేతతో తలపడనుంది. అంతక ముందు క్వార్టర్ పైనల్స్ లో పేస్ జోడీ 6-2, 6-4తో జులయిన్‌నోల్ (ఆస్ట్రియా), ఫిలిప్ పోలాసెక్ (స్లోకేవియా) జంటపై విజయం సాధించింది.

ఇక మిక్స్‌డ్ డబుల్స్ టైటిల్‌ను మకరోవ (రష్యా), సోరెస్ (బ్రెజిల్) జోడీ గెలుచుకుంది. మిక్స్‌డ్ డబుల్స్ టైటిల్‌ కోసం జరిగిన ఫైనల్ పోరులో మరోవ జోడీ 6-7 (8/10), 6-1, 1-0, (12-10)తో పచ్ కే(చెక్), మత్కో‌ఫ్‌స్కి (పోలెండ్)పై విజయం సాధించింది.

తెలుగు వన్ఇండియా