రియాల్టీ షోలో షోయబ్‌తో కలిసి డ్యాన్స్‌కు సానియా రెడీ

హైదరాబాద్: హైదరాబాద్ టెన్నిస్ స్టార్ సానియా మీర్జా పాకిస్తానీ క్రికెటర్ షోయబ్ మాలిక్ నాచ్ బలియే 5 టీవీ రియాల్టీ షోలో నృత్యం చేయడానికి అన్ని విధాలా సిద్ధమయ్యారు. సెలిబ్రిటీ దంపతులు సానియా, మాలిక్ నృత్య ప్రదర్శ అందరినీ ఆకర్షిస్తుందని చెప్పవచ్చు.

రియాల్టీ షోలో అతిథి దంపతులుగా పాల్గొంటున్నందుకు తనకు ఎంతో ఆనందంగా ఉందని సానియా మీర్జా మీడియా ప్రతినిధుల సమావేశంలో చెప్పింది. ఎంతో రిహార్సల్ చేశామని, తమ సంగీత్ కోసం సిద్ధమై నాట్యం చేశామని ఆమె చెప్పింది. సమన్వయం కాస్తా కష్టమేనని, స్టెప్పులు కూడా గుర్తుండవని ఆమె అన్నది.

తన పెర్‌ఫార్మెన్స్ మీదనే తాను పూర్తి దృష్టి పెట్టానని, తాను బాగా చేయగలననే అనుకుంటున్నానని, క్రికెట్ తన పాషన్ అని, నాట్యం చేసినా ప్రతిభ కనబరచాలని చూస్తానని ఆయన అన్నారు. సానియా పాకిస్తాన్‌కు ప్రాతినిధ్యం వహించాలని తాను ఎన్నడూ కోరలేదని స్పష్టం చేశారు.

నాచే బలియే రియాల్టీ షో 5 ఈ నెల 29వ తేదీ నుంచి ప్రతి శనివారం స్టార్ ప్లస్‌లో ప్రసారమవుతోంది. ఈ షోకు ఈ ఏడాది బాలివుడ్ డ్యాన్సర్ శిల్పా శెట్టి కుంద్రా, ప్రముఖ దర్శకుడు సాజీద్ ఖాన్, కోరియోగ్రాఫర్ టెరెన్స్ లూయిస్ న్యాయమూర్తులుగా వ్యవహరిస్తారు.