ఆస్ట్రేలియా ఓపెన్‌ టోర్నీ ఫైనల్లో షరపోవా ఓటమి

మెల్బోర్న్: ఆస్ట్రేలియా ఓపెన్ టెన్నిస్ టోర్నమెంట్ మహిళా సింగిల్స్ పోటీలో రష్యా క్రీడాకారిణి షరపోవా ఓటమి పాలైంది. బెలారస్‌కు చెందిన విక్టోరియా అజరెంకా విజయ దుందుభి మోగించింది. శనివారం జరిగిన మహిళా సింగిల్స్ ఫైనల్ పోటీలో షరపోవాపై అజరెంకా 6-3, 6-0 స్కోరుతో ఘన విజయం సాధించింది. ఇది అజరెంకాకు కెరీర్‌లో తొలి గ్రాండ్ స్లామ్. ఈ టైటిల్ గెలిస్తే అజరెంకా నెంబర్ వన్ స్థానం కూడా పొందే అవకాశం ఉండడంతో టెన్నిస్ అభిమానులు ఈ మ్యాచును ఆసక్తిగా గమనించారు.

అజరెంకా 25 గ్రాండ్ స్లామ్ టోర్నమెంట్లలో తొలి ఫైనల్ ఆడింది. షరపోవాను అజరెంకా గంటా 22 నిమిషాల్లో మట్టి కరిపించింది. టైటిల్‌ను దక్కించుకోవడంతో పాటు అజరెంకా నెంబర్ వన్ స్థానాన్ని కూడా కైవసం చేసుకుంది.