ఆస్ట్రేలియా ఓపెన్ టోర్నమెంట్‌కు సెరెనా విలియమ్స్ దూరం

న్యూఢిల్లీ: ప్రముఖ టెన్నిస్ స్టార్ సెరెనా విలియమ్స్ ప్రతిష్టాత్మక ఆస్ట్రేలియా ఓపెన్ టెన్నిస్ టోర్నీకి దూరం కానుంది. కాలి గాయానికి ఆమె చికిత్స తీసుకుంటున్నారు. దీంతో ఆస్ట్రేలియన్ ఓపెన్‌లో హ్యాట్రిక్ కొట్టాలన్న ఆమె ఆశలు గల్లంతయ్యే అవకాశాలు ఉన్నాయి. గత ఆగస్టులో ఈ టెన్నిస్ తార పాదానికి గాయమైన సంగతి తెల్సిందే.

ఆస్ట్రేలియన్ ఓపెన్‌లో సెరెనా గత ఆరు పర్యాయాల్లో నాలుగు టైటిళ్లను తన ఖాతాలో వేసుకుని హార్డ్‌కోర్ట్‌లపై తన సత్తా నిరూపించుకుంది. 2009, 2010లో ఇక్కడ వరసగా విజయబావుటా ఎగురవేసింది. త్వరలో ప్రారంభం కానున్న ఈ టోర్నీలో ప్రముఖ క్రీడాకారిణులు కరోలిన్ వోజ్నియాకి, బెల్జియం తార కిమ్ క్లియ్‌స్టర్స్‌లతో పాటు మరికొంతమంది పాల్గొననున్నారు.