|
వెన్ను నొప్పి ఎక్కువవడంతో:
రోజర్స్ కప్ ఫైనల్లో 19 ఏళ్ల కెనడియన్ ఆండ్రీస్కుతో సెరెనా తలపడింది. సెరెనా సర్వీస్ను బ్రేక్ చేసిన బియాంక 3-1తో ఆధిక్యంలోకి వెళ్లింది. ఇదే సమయంలో వెన్ను నొప్పి ఎక్కువవడంతో సెరెనా మెడికల్ టైమ్ అవుట్ కోరింది. ఫిజియోతో మాట్లాడిన సెరెనా.. మ్యాచ్ నుంచి తప్పుకుంది. అనంతరం అంపైర్ ఆండ్రీస్కును విజేతగా ప్రకటించాడు. దీంతో 50 సంవత్సరాలలో రోజర్స్ కప్ గెలిచిన మొదటి కెనడియన్గా బియాంకా ఆండ్రెస్కు నిలిచింది.
|
సెరెనాను ఓదార్చిన బియాంక:
'నన్ను క్షమించండి. నొప్పి మరింత ఎక్కువైంది. మ్యాచ్ నేను ఆడలేకపోతున్నా. ఎంత ప్రయత్నించినా.. నా వల్ల కావడం లేదు. నేను మ్యాచ్ను కొనసాగించలేను' అంటూ సెరెనా కన్నీటి పర్యంతమైంది. విజేతగా నిలిచిన బియాంక.. సెరెనా దగ్గరకు వచ్చి గట్టిగా హత్తుకుంది. కోర్టులోనే ఏడుస్తున్న సెరెనాను బియాంక ఓదార్చింది. అనంతరం కప్ అందుకుని సంబరాల్లో మునిగితేలింది.
చాంపియన్ నాదల్:
రోజర్స్ కప్ పురుషుల సింగిల్స్లో రష్యా క్రీడాకారుడు డానిల్ మెద్వెదెవ్ను ఓడించి స్పెయిన్ బుల్, డిఫెండింగ్ చాంపియన్ రఫెల్ నాదల్ టైటిల్ అందుకున్నాడు. నాదల్ 6-3, 6-0తో మెద్వెదెవ్ను వరుస సెట్లలో ఓడించి వరుసగా రెండో ఏడాది ట్రోఫీ అందుకున్నాడు.
క్లే కోర్టు కింగ్ అయిన నాదల్ హార్డ్ కోర్టులో టైటిల్ నిలబెట్టుకోవడం విశేషం. నాదల్కిది కెరీర్లో 35వ మాస్టర్స్ టైటిల్. రోమ్, ఫ్రెంచ్ ఓపెన్ తర్వాత ఈ సీజన్లో నాదల్కిది మూడో టైటిల్.