ఆస్ట్రేలియన్ ఓపెన్: పాత సెరెనాను గుర్తుకు తెస్తూ మూడో రౌండ్‌లోకి

పాత సెరెనాను గుర్తుకు తెస్తూ

ఆటలో పాత సెరెనాను గుర్తుకు తెస్తూ సెరెనా విలియమ్స్ రికార్డు విజయం దిశగా మరో అడుగు ముందుకు వేసింది. ఇక, ఈ ఏడాదిలో తొలి గ్రాండ్‌స్లామ్ టోర్నీలో రుమేనియా స్టార్ హలెప్ రెండోరౌండ్‌లో తీవ్ర ప్రతిఘటన ఎదుర్కొంది. అమెరికా టెన్నిస్ భామ సోఫియా కెనిన్‌తో జరిగిన రెండోరౌండ్ పోరులో హలెప్ 6-3,6-7 (5/7), 6-4 స్కోరుతో కష్టపడి గెలిచింది.

జిదాన్‌సెక్‌పై నెగ్గిన ఒసాకా

జపాన్‌కు చెందిన ఒసాకా 6-2, 6-4తో జిదాన్‌సెక్‌ (స్లొవేనియా)ను ఓడించింది. ఇతర రెండో రౌండ్‌ మ్యాచ్‌ల్లో ఆరో సీడ్‌ స్వితోలినా 6-4, 6-1తో కుజ్‌మోవా (స్లొవేకియా)పై, ఏడో సీడ్‌ ప్లిస్కోవా (చెక్‌) 4-6, 6-1, 6-0తో బ్రింగిల్‌ (అమెరికా)పై, వీనస్‌ విలియమ్స్‌ (అమెరికా) 6-3, 4-6, 6-0తో కోర్నెట్‌ (ఫ్రాన్స్‌)పై, మాడిసన్‌ కీస్‌ (అమెరికా) 6-3, 6-4తో పొటాపోవా (రష్యా)పై, వాంగ్‌ (చైనా) 6-2, 6-3తో కుర్నిచ్‌ (సెర్బియా)పై, బసిన్‌స్కీ (స్విట్జర్లాండ్‌) 6-2, 7-5తో విక్లియాన్‌త్సెవా (రష్యా)పై విజయం సాధించారు.

మూడోరౌండ్ చేరుకున్న నొవాక్ జొకోవిచ్

పురుషుల సింగిల్స్‌లో టాప్‌సీడ్, క్రొయేషియా స్టార్ ఆటగాడు నొవాక్ జొకోవిచ్ ఆస్ట్రేలియన్ ఓపెన్ మూడోరౌండ్ చేరుకున్నాడు. ఏడో ఆస్ట్రేలియన్ ఓపెన్‌పై గురిపెట్టిన జొకో..6-3,7-5,6-4 స్కోరుతో ఫ్రాన్స్ వెటరన్ జో విల్‌ఫ్రెడ్ సోంగాపై వరుససెట్లలో సునాయాసంగా విజయం సాధించాడు. మూడోసీడ్ ఫెదరర్, రెండోసీడ్ నాదల్ కూడా మూడోరౌండ్ చేరడంతో ఈ సారి ఆస్ట్రేలియన్ ఓపెన్‌లో ఈ త్రయం పోరు ప్రేక్షకులకు కనులవిందు కానుంది.

ఆస్ట్రేలియన్ ఓపెన్ నుంచి వావ్రింకా ఔట్

కాగా, మాజీ ఛాంపియన్‌ వావ్రింకా (స్విట్జర్లాండ్‌) కథ ముగిసింది. హోరాహోరీగా సాగిన రెండో రౌండ్లో అతడు 7-6 (7-4), 6-7 (6-8), 6-7 (11-13), 6-7 (5-7)తో రోనిచ్‌ (కెనడా) చేతిలో ఓడిపోయాడు. మరో మ్యాచ్‌లో ఏడోసీడ్ డొమినిక్ థీమ్ గాయంతో రిటైర్డ్ హర్ట్‌గా వెనుదిరిగాడు. వైల్డ్‌కార్డ్ ద్వారా మెయిన్‌డ్రాకు చేరిన ఆస్ట్రేలియన్ అలెక్సీ పొపీరిన్ 7-5,6-4,2-0తో ఆధిక్యంలో ఉన్న దశలో థీమ్ తప్పుకోవడంతో విజయంతో మూడోరౌండ్ చేరుకున్నాడు.

మూడో రౌండ్‌కు కీ నిషికోరి

వైల్డ్‌కార్డ్‌ ఆటగాడు పొపిరిన్‌ (ఆస్ట్రేలియా)తో మ్యాచ్‌లో 5-7, 4-6, 9-2తో వెనుకబడి ఉన్న దశలో అతడు రిటైరయ్యాడు. జపాన్ నంబర్‌వన్ ఆటగాడు కీ నిషికోరి 6-3,7-6((6-8),5-7,5-7,7-6(10-7)స్కోరుతో హోరాహోరీగా పోరాడి కార్లోవిచ్‌ను ఓడించి ముందంజ వేశాడు. హెర్బర్ట్‌ (ఫ్రాన్స్‌), ఫోగ్నిని (ఇటలీ), కోరిచ్‌ (క్రొయేషియా), గొఫిన్‌ (బెల్జియం) మూడో రౌండ్‌కు చేరుకున్నారు.