హోబర్ట్ టోర్నీ: సానియా తొలి రౌండ్ గెలుపు

హోబర్ట్ : హోబర్ట్ టెన్నిస్ టోర్నమెంట్‌లో హైదరాబాద్ సంచలనం సానియా మీర్జా ముందంజ వేసింది. హోబర్ట్‌లో సోమవారం జరిగిన తొలి రౌండ్ మ్యాచ్‌లో సానియా స్పెయిన్‌కు చెందిన క్వాలిఫైర్ లూర్దెస్ డోమింగెజ్‌ను 6-4, 6-0 సెట్లతో ఓడించింది. తదుపరి రౌండ్‌లో రష్యాకు చెందిన అల్లా కుద్రియత్సేవాతో సానియా తలపడనుంది. కుద్రియత్సేవా 6-3, 6-2తో మోనిక్ ఆదంజాక్‌ను ఓడించి, రెండో రౌండ్లో ప్రవేశించింది.

మరోవైపు సిడ్నీలో జరిగే మెడిబ్యాంక్ ఇంటర్నేషనల్ టోర్నీలో లియాండర్ పేస్, హాన్లీ జంట ఓటమి పాలైంది. మార్టిన్ డాం- పావెల్ విజ్నెర్ జంట 6-7, 4-6 సెట్లతో వారిపై విజయం సాధించింది. ఇదే టోర్నీలో భూపతి- నౌల్స్ జంట చెక్ రిపబ్లిక్‌కు చెందిన రాడెక్ స్టెపానెక్- థామస్ బెర్డిచ్ జంటతో తలపడనుంది.