డబుల్స్‌లోనూ సానియా నిష్క్రమణ

దుబాయ్: దుబాయ్ టెన్నిస్ ఛాంపియన్‌షిప్స్‌‌లో శుక్రవారం డబుల్స్ విభాగంలో కూడా భారత అగ్రశ్రేణి టెన్నిస్ క్రీడాకారిణి సానియా మీర్జా ఇంటిదారి పట్టింది. ముందురోజు జరిగిన రెండో రౌండులో జంకోవిచ్‌ చేతిలో పరాజయం పాలై సానియా సింగిల్స్‌ నుంచి నిష్క్రమించిన సంగతి తెలిసిందే.

డబుల్స్ క్వార్టర్ ఫైనల్స్‌లో సానియా టాప్ సీడ్ జోడీ కారా బ్లాక్ (జింబాబ్వే), అమెరికా క్రీడాకారిణి లీజెల్ హ్యూబర్‌లతో తలపడింది. ఈ మ్యాచ్‌లో టాప్ సీడ్ జోడీపై ఇటలీ క్రీడాకారిణి ఫ్రాన్సెకా షియవోన్‌తో కలసి ఈ టోర్నీ డబుల్స్ ఆడుతున్న సానియా 2-6, 7-6 (7-4), 10-12తో పరాజయం పాలైంది.