హోబర్ట్ టోర్నీ నుంచి సానియా ఔట్

హోబర్ట్: హోబర్ట్ అంతర్జాతీయ టెన్నిస్ టోర్నమెంటు క్వార్టర్ ఫైనల్లో సానియా మీర్జా ఇటలీకి చెందిన ఫ్లావియా పెన్నెట్టా చేతిలో ఓడిపోయింది. బుధవారంనాడు ఆమె పెన్నెట్టాతో తలపడింది. దీంతో ఆమె హోంబర్ట్ టోర్నీ నుంచి తప్పుకుంది. సానియా 5-7, 6-1, 3-6 స్కోరుతో ఓటమి పాలైంది.

మంగళవారంనాడు జరిగిన హోబర్ట్ ఇంటర్నేషనల్ టెన్నిస్ టోర్నీ రెండో రౌండులో విజయం సాధించి సానియా మీర్జా క్వార్టర్ ఫైనల్ దశకు చేరుకుంది. రెండో రౌండ్ మ్యాచ్‌లో ఆమె 6-3, 6-4 సెట్లతో రష్యాకు చెందిన కుద్రియత్సేవాపై విజయం సాధించింది. ఆస్ట్రేలియాకు చెందిన జెలీనా డోకిక్ అర్ధాంతరంగా నిష్క్రమించడంతో పెన్నెట్టా క్వార్టర్స్‌లో ప్రవేశించింది. సోమవారం జరిగిన తొలి రౌండ్ మ్యాచ్‌లో సానియా స్పెయిన్‌కు చెందిన క్వాలిఫైర్ లూర్దెస్ డోమింగెజ్‌ను 6-4, 6-0 సెట్లతో ఓడించిన సంగతి తెలిసిందే.