చైనా మాస్టర్స్: సెమీస్ లో సైనా

హైదరాబాద్: తెలుగుతేజం సైనా నెహ్వాల్ చైనా మాస్టర్స్ సూపర్ సిరీస్ బాడ్మింటన్ టోర్నీలో సెమీ పైనల్ కు చేరుకుంది. చైనాకు చెందిన ప్రపంచ ఆరో నెంబర్ క్రీడాకారిణి లిన్ ఝూకు షాక్ ఇచ్చి నెహ్వాల్ సెమీ ఫైనల్లోకి దూసుకెళ్లింది. ప్రపంచంలో 12 స్థానంలో ఉన్న నెహ్వాల్ ఏడో సీడ్ గా బరిలోకి దిగింది. ఝూను ఆమె 21-16, 23-21, 21-18 స్కోరుతో ఓడించింది.

సెమీ ఫైనల్లో నెహ్వాల్ హాంగ్ కాంగ్ కు చెందిన క్రీడాకారిణి మి ఝౌను ఎదుర్కోవాల్సి ఉంటుంది. ప్రపంచ రెండో నెంబర్ క్రీడాకారిణి ఝో చైనాకు చెందిన టాప్ ర్యాంక్ క్రీడాకారిణి లూ లాన్ ను 10-21, 21-13, 21-14 స్కోరుతో ఓడించి సెమీ ఫైనల్లోకి అడుగు పెట్టింది. సైనా సెప్టెంబర్ 14వ తేదీన చైనీస్ తైపై ఓపెన్ లో విజయం సాధించింది. అయితే జపాన్ సూపర్ సిరీస్ లో తొలి రౌండులోనే ఓడిపోయింది.