ట్విట్టర్‌ ఫోటో: సానియాకు పరిణీతి ఆశీర్వాదం

ముంబై: బాలీవుడ్ నటి పరిణీతి చోప్రా, హైదరాబాదీ టెన్నిస్ స్టార్ సానియా మిర్జా ఇద్దరు మంచి స్నేహితులు. ఈ మధ్య కాలంలో వీరిద్దరూ కలిసి తెగ చక్కర్లు కొడుతున్నారు. తాజాగా వీరిద్దరూ కలిసి దిగిన ఓ సరదా ఫోటోను పరిణీతి చోప్రా తన ట్విట్టర్ ద్వారా అభిమానులతో పంచుకున్నారు.

ఈ ట్విట్టర్ ఫోటోలో పరిణీతి చోప్రా టెన్నిస్ రాకెట్‌తో సానియా మిర్జాను ఆశీర్వదిస్తున్నట్లుగా ఉంది. సానియా మిర్జా పరిణీతి కాళ్లకు నమస్కారం చేస్తున్నట్లు ఉన్న ఈ ఫోటో ఇప్పుడు సోషల్ మీడియాలో హల్ చల్ చేస్తోంది.

ఈ ఫోటో కింద తన ఆశీర్వాదం ఎల్లప్పుడూ సానియా మిర్జాకి ఉంటుందని కాప్షన్‌ రాసింది. అయితే ఈ ఫోటో ఎక్కడ, ఏ సందర్భంలో వీరిద్దరూ కలిసి దిగారన్న విషయాన్ని మాత్రం ట్వీట్‌లో పేర్కొనలేదు.