అభిప్రాయాలు కుదరకే పెళ్లి రద్దు: సానియా మీర్జా

హైదరాబాద్: సోహ్రాబ్ మీర్జాతో అభిప్రాయాలు కుదరకే సోహ్రాబ్ మీర్జాతో నిశ్చితార్థాన్ని రద్దు చేసుకున్నట్లు హైదరాబాద్ టెన్నిస్ సంచలనం సానియా మీర్జా స్పష్టం చేశారు. ఈ మేరకు ఆమె తన తండ్రికి ఎస్ ఎంఎస్ పంపినట్లు తెలుగు టీవీ చానెళ్లు గురువారం వార్తలను ప్రసారం చేశాయి. సోహ్రాబ్ తనకు చాలా కాలం నుంచి మంచి మిత్రుడని ఆమె చెప్పింది. సోహ్రాబ్ భవిష్యత్తు బాగుండాలని ఆమె ఆకాంక్షించారు. తాను ఇక కెరీర్ పై దృష్టి పెడతానని, తాను ఆటను కొనసాగిస్తానని ఆయన చెప్పారు.

సానియా తండ్రి కూడా టీవీ చానెళ్లకు ఎస్ ఎంఎస్ లు పంపారు. ఇరు కుటుంబాల వాళ్లం చర్చించుకున్న తర్వాతనే నిశ్చితార్థం రద్దు చేసుకున్నట్లు సానియా తండ్రి చెప్పారు. సోహ్రాబ్ సానియాకు చిన్ననాటి మిత్రుడని ఆయన చెప్పారు. సానియా, సోహ్రాబ్ ల మధ్య అభిప్రాయాలు కుదరలేదని, అందుకే నిశ్చితార్థం రద్దు చేసుకున్నామని ఆయన చెప్పారు.