అజహరుద్దీన్ కొడుకును పెళ్లాడనున్న సానియా మిర్జా సోదరి?

సన్నిహిత వ్యక్తుల సమాచారం ప్రకారం

మీడియా కథనాలు, ఇరు కుటుంబాలకు చెందిన సన్నిహిత వ్యక్తుల సమాచారం ప్రకారం అసద్, ఆనమ్ ప్రేమలో ఉన్నారు. అయితే, వాళ్ల కుటుంబాలు మాత్రం ఈ విషయాన్ని అధికారికంగా ధ్రువీకరించలేదు. ఈ ఏడాది ఆఖర్లో ఇద్దరూ పెళ్లిన చేసుకోనునట్లు తెలుస్తోంది.

అసద్‌తో కలిసి ఆనమ్ దుబాయ్‌లో షాపింగ్

అసద్‌తో కలిసి ఆనమ్ దుబాయ్‌లో షాపింగ్ చేసినప్పటి ఫొటోలను తన ఇనిస్టాగ్రామ్ ఖాతాలో పోస్ట్ చేయడం పెండ్లి వార్తలకు మరింత బలాన్ని తీసుకొచ్చింది. 25 ఏళ్ల ఆనమ్‌ మిర్జా 2016లో అక్బర్‌ రషీద్‌ను వివాహం చేసుకుంది. వీరి పెళ్లి హైదరాబాద్‌లోని ఫలక్‌నుమా ప్యాలెస్‌లో అంగరంగ వైభవంగా జరిగింది.

భర్త నుంచి విడాకుల కోసం ఆనమ్ మిర్జా!

అయితే, ఏమైందో తెలియదు గానీ రషీద్‌ నుంచి ఆమె విడాకులు కోసం తీసుకునేందుకు దరఖాస్తు చేసినట్లు గతేడాది వార్తలు వచ్చాయి. మరోవైపు మహ్మద్ అజహరుద్దీన్‌కు ఇద్దరు కుమారులు కాగా, ఒకరు ఔటర్ రింగ్ రోడ్డులో జరిగిన బైక్ ప్రమాదంలో చనిపోయిన సంగతి తెలిసిందే.