ఫైనల్ లో భూపతి, సానియా జంట

మెల్బోర్న్: ఆస్ట్రేలియా ఓపెన్ టెన్నిస్ టోర్నమెంటు మిక్సుడ్ డబుల్స్ లో మహేష్ భూపతి, సానియా మీర్జా జంట ఫైనల్ లోకి అడుగు పెట్టింది. అన్ సీడెడ్ గా టోర్నమెంటులో అడుగుపెట్టిన ఆ జంట ఎనిమిదో సీడ్ నాథలీ డెచీ (ఫ్రాన్స్), ఆండీ రామ్ (ఇజ్రాయెల్) జంటను వరుస సెట్లలో ఓడించింది.

భారత జంట డిచీ, రామ్ జంటను సెమీ ఫైనల్ లో 6-4, 6-2 స్కోరుతో ఓడించి ఫైనల్ లోకి అడుగు పెట్టింది. భూపతి డబుల్స్ లో పది గ్రాండ్ స్లామ్ టైటిల్స్ గెలుచుకున్నాడు. సానియాకు ఇదే ప్రధానమైన ఫైనల్.