సానియాపై కేసు నమోదు

హైదరాబాద్: అనుమతి లేకుండా మక్కా మసీదు ఆవరణలో జరిగిన షూటింగ్ లో పాల్గొన్న టెన్నిస్ తార సానియా మీర్జాపై కేసు నమోదు అయింది. హుస్సేనీ ఆలం పోలీసులు 448 సెక్షన్ కింద ఈ కేసు నమోదు చేశారు. అడ్వర్టైజ్ మెంట్ చిత్రీకరించిన సంస్థపై కూడా పోలీసులు కేసు నమోదు చేశారు. మూడు రోజుల క్రితం అనగా సోమవారంనాడు ఒక ప్రైవేట్ సంస్థ అడ్వర్టైజ్ మెంట్ కోసం మక్కా మసీదులో చిత్రీకరణ జరిగింది. ఈ చిత్రీకరణ కోసం ఆ యూనిట్ మక్కా మసీదు సంబంధిత వ్యక్తుల నుంచి ముందస్తు అనుమతిని తీసుకోలేదని పోలీసులకు మత పెద్దలు పోలీసుకలకు ఫిర్యాదు చేశారు. ఫిర్యాదును పరిశీలించిన మీదట పోలీసులు ఈ కేసును నమోదు చేశారు.