ఫ్రెంచ్ ఓపెన్లో టాప్సీడ్ నొజొమి ఒసాకా (జపాన్) కొద్దిలో ఓటమి తప్పించుకుంది. తొలి రౌండ్లో మూడు సెట్లు పోరాడి గెలిచిన ఒసాకా.. రెండో రౌండ్లో ఓటమి అంచు నుంచి బయటపడింది. గురువారం హోరాహోరీ సాగిన మహిళల సింగిల్స్ రెండో రౌండ్లో ఒసాకా 4-6, 7-5, 6-3తో విక్టోరియా అజరెంక (బెలారస్)పై చెమటోడ్చి గెలిచింది. తొలి సెట్లో ఓడి.. రెండో సెట్లోనూ 2-4తో వెనకబడిన ఒసాకా.. అసాధారణంగా పుంజుకుని విజయాన్ని సొంతం చేసుకుంది. రెండు గంటల 50 నిమిషాలు ఈ మ్యాచ్ రసవత్తరంగా సాగింది.
ఐసీసీ క్రికెట్ వరల్డ్కప్-2019 ప్రత్యేక వార్తల కోసం
అమెరికా తార సెరెనా విలియమ్స్ మూడో రౌండ్ చేరింది. సెరెనా 6-3, 6-2తో నారా (జపాన్)ను ఓడించింది. హలెప్ (రొమేనియా), బెన్సిచ్ (స్విట్జర్లాండ్), సమంత స్టోసర్ (ఆస్ట్రేలియా), బార్టీ (ఆస్ట్రేలియా) మూడో రౌండ్ చేరారు. ఇక పురుషుల విభాగంలో టాప్సీడ్ నొవాక్ జకోవిచ్ మూడో రౌండ్లో ప్రవేశించాడు. రెండో రౌండ్లో జకో 6-1, 6-4, 6-3తో లాక్సొనెన్ (స్విట్జర్లాండ్)ను ఓడించాడు. డొమినిక్ థీమ్ (ఆస్ట్రియా ) 6-3, 6-7 (6-8), 6-3, 7-5తో బబ్లిక్ (కజకిస్థాన్)పై చెమటోచాడు.
Comeback complete.@Naomi_Osaka_ secures a place in the third round 4-6 7-5 6-3 over Azarenka.#RG19 pic.twitter.com/gjOUsw7qId
— Roland-Garros (@rolandgarros) May 30, 2019
మోన్ఫిల్స్ (ఫ్రాన్స్) 6-3, 6-4, 6-4తో మానారియో (ఫ్రాన్స్)ను ఓడించాడు. అలెగ్జాండర్ జ్వెరెవ్ (జర్మనీ), బోర్నా కొరిచ్ (క్రొయేషియా), బటిస్టా అగట్ (స్పెయిన్) కూడా మూడో రౌండ్ చేరారు. ఇక మిక్స్డ్ డబుల్స్లో దివిజ్ శరణ్-అయామా (జపాన్) తొలి రౌండ్లోనే నిష్క్రమించాడు. దివిజ్ జోడీ 3-6, 6-2, 7-10తో కిచెనొక్ (ఉక్రెయిన్)-గోంజెలజ్ (మెక్సికో) చేతిలో పరాజయం పాలైంది.