ఆస్ట్రేలియన్ ఓపెన్‌‌లో సంచలనం: వోజ్నియాకి షాకిచ్చిన షరపోవా

వోజ్నియాకి షాకిచ్చిన షరపోవా

ఇక, రెండో సీడ్‌ కెర్బర్‌ (జర్మనీ), ఐదో సీడ్‌ స్లోన్‌ స్టీఫెన్స్‌ (అమెరికా), ఎనిమిదో సీడ్‌ క్విటోవా (చెక్‌ రిపబ్లిక్‌) కూడా ప్రిక్వార్టర్‌ ఫైనల్లోకి ప్రవేశించారు. మూడో రౌండ్‌ మ్యాచ్‌ల్లో కెర్బర్‌ 6-1, 6-0తో కింబర్లీ బిరెల్‌ (ఆస్ట్రేలియా)పై, స్లోన్‌ స్టీఫెన్స్‌ 7-6 (8/6), 7-6 (7/5)తో పెట్రా మార్టిక్‌ (క్రొయేషియా)పై, క్విటోవా 6-1, 6-4తో బెన్సిచ్‌ (స్విట్జర్లాండ్‌)పై నెగ్గారు.

ప్రిక్వార్టర్‌‌కు ఫెదరర్‌

పురుషుల సింగిల్స్‌లో డిఫెండింగ్‌ చాంపియన్‌ ఫెదరర్‌ (స్విట్జర్లాండ్‌), రఫెల్‌ నాదల్‌ (స్పెయిన్‌) ప్రిక్వార్టర్‌‌కు చేరారు. శుక్రవారం రాడ్‌ లావెర్‌ ఎరీనాలో జరిగిన మూడో రౌండ్‌ పోరులో డిఫెండింగ్‌ చాంపియన్‌ ఫెదరర్‌ 6-2, 7-5, 6-2 స్కోరుతో భారీ సర్వీసుల అమెరికా ఆటగాడు టేలర్‌ ఫ్రిట్జ్‌ను చిత్తు చేశాడు. రెండో సెట్లో తప్ప.. రోజర్‌కు ప్రత్యర్థి నుంచి పెద్ద ప్రతిఘటనే ఎదురు కాలేదు.

నాలుగో రౌండ్‌కు నాదల్

ఈ మ్యాచ్‌లో 10 ఏస్‌లతో పాటు 34 విన్నర్లు కొట్టాడతను. సెంటర్‌ కోర్టులో 100వ విజయం సాధించిన ఫెదరర్‌కు ఈ టోర్నీలో 17వ సారి నాలుగో రౌండ్‌కు చేరడం విశేషం. మరో మ్యాచ్‌లో నాదల్‌ 6-1, 6-2, 6-4తో డిమినర్‌ (ఆస్ట్రేలియా)ను ఓడించాడు. ఈ మ్యాచ్‌లో ఐదుసార్లు ప్రత్యర్థి సర్వీస్‌ బ్రేక్‌ చేసిన నాదల్‌.. ఆరు ఏస్‌లతో పాటు 37 విన్నర్లు కొట్టాడు.

బెర్డిచ్‌తో తలపడనున్న నాదల్‌

ప్రీక్వార్టర్‌ఫైనల్లో చెక్‌ రిపబ్లిక్‌కు చెందిన అన్‌ సీడెడ్‌ థామస్‌ బెర్డిచ్‌తో నాదల్‌ తలపడనున్నాడు. ఆరోసీడ్‌ సిలిచ్‌ కూడా మూడో రౌండ్లో గెలిచాడు. బెర్డిచ్‌ మూడో రౌండ్‌లో 5-7, 6-3, 7-5, 6-4 స్కోరుతో ష్వార్ట్‌జమన్‌ను ఓడించాడు. ఆరోసీడ్‌ మారిన్‌ సిలిచ్‌, బౌటిస్టా అగట్‌, టియాఫొ, డిమిత్రోవ్‌ కూడా మూడోరౌండ్‌లో విజయాలు సాధించారు.