ఆస్ట్రేలియన్ ఓపెన్‌లో లవ్ మ్యాచ్: అందరి దృష్టి ఆ ఇద్దరిపైనే!

జీ.ఈ.ఎం.ఎస్‌ లైఫ్‌ పేరుతో ఇన్‌స్టాగ్రామ్‌ ఖాతా

తమ ఇద్దరి పేర్లు ‘గేల్‌ ఎలీనా మోన్‌ఫిల్స్‌ స్వితోలినా'లను కలుపుతూ వీరు జీ.ఈ.ఎం.ఎస్‌ లైఫ్‌ పేరుతో ఒకే ఇన్‌స్టాగ్రామ్‌ ఖాతా తెరిచి తమ దైనందిన షెడ్యూల్‌పై వీడియోను కూడా పోస్ట్‌ చేశారు. దీంతో స్వితొలినా-మోన్‌ఫిల్స్‌ మాత్రమే కాదు వావ్రింకా-డొనా వికిచ్‌, డొనిమిక్‌ థీమ్‌-మ్లదెనోవిచ్‌ కూడా ఉమ్మడి ఖాతాలు తెరిస్తే చూడాలని ఉంది అని ఆస్ట్రేలియా టెన్నిస్ ప్లేయర్ డారియా గవ్‌రిలొవా అంది.

ప్రస్తుతం 7వ ర్యాంక్‌లో కొనసాగుతున్న స్వితోలినా

ప్రస్తుతం 7 ఏటీపీ టైటిల్స్‌ గెలిచిన 32 ఏళ్ల మోన్‌ఫిల్స్‌ ప్రస్తుతం 33వ ర్యాంక్‌లో ఉన్నాడు. 13 డబ్ల్యూటీఏ టైటిల్స్‌ సాధించిన 24 ఏళ్ల స్వితోలినా ప్రస్తుతం 7వ ర్యాంక్‌లో కొనసాగుతోంది. మరోవైపు స్పెయిన్ బుల్ రఫెల్ నాదల్ ప్రేయసి జిస్కా పెరెల్లో ప్రిక్వార్టర్స్‌ మ్యాచ్‌ చూసేందుకు స్టేడియానికి వచ్చింది.

నాదల్ ప్రేయసి గురించి ఇలా

దీనిపై మాజీ ఆటగాడు జిమ్‌ కొరియర్‌ చాలా కాలం తర్వాత పెరెల్లో వచ్చినట్టుంది అని అడగ్గా "2005లో వైల్డ్‌కార్డు రూపంలో నా హృదయంలో ప్రవేశించింది. పద్నాలుగేళ్లు నాతో కలిసి ఉన్న తర్వాత తను తిరిగి ఇక్కడికి రావడానికి వైల్డ్‌కార్డు అవసరం లేదు. ఆమె ఎప్పుడు రావాలనుకుంటే అప్పుడు రావొచ్చు" అని నాదల్ చెప్పాడు.