ఫ్రెంచ్ ఓపెన్లో సంచలనాలు చోటు చేసుకున్నాయి. ప్రపంచ నంబర్వన్ నవోమి ఒసాకాతో పాటు అమెరికా స్టార్ సెరెనా విలియమ్స్ మూడో రౌండ్లోనే ఓడిపోయారు. శనివారం జరిగిన మహిళల సింగిల్స్ మూడో రౌండ్లో ఒసాకా 4-6, 2-6తో కేథరిన్ సినియాకోవా (చెక్ రిపబ్లిక్) చేతిలో ఓడిపోయింది. 77 నిమిషాల పాటు జరిగిన ఈ మ్యాచ్లో సినియకోవా అద్భుతంగా ఆడి కెరీర్లో తొలిసారి ఓ గ్రాండ్స్లామ్ టోర్నీ సింగిల్స్ విభాగంలో ప్రిక్వార్టర్ ఫైనల్లోకి దూసుకెళ్లింది. మహిళల సింగిల్స్లో ఒసాకా నంబర్వన్ కాగా.. మహిళల డబుల్స్లో సినియోకోవా నంబర్వన్. సింగిల్స్లో మాత్రం 42వ ర్యాంకులో ఉంది.
ఐసీసీ క్రికెట్ వరల్డ్కప్-2019 ప్రత్యేక వార్తల కోసం
అమెరికా స్టార్ సెరెనా విలియమ్స్ 2-6, 5-7తో అన్సీడెడ్ సోఫియా కెనిన్ (అమెరికా) చేతిలో ఓడిపోయింది. డిఫెండింగ్ ఛాంపియన్ హలెప్ (రొమేనియా) 6-2, 6-1తో తుర్సెంకోవా (ఉక్రెయిన్)ను ఓడించింది. మాడిసన్ కీస్ (అమెరికా), స్విటెక్ (పోలెండ్) కూడా ప్రిక్వార్టర్స్లో అడుగుపెట్టారు. కీస్ 6-3, 6-7 (5/7), 6-4తో బ్లిన్కోవా (రష్యా)పై, స్వియాటెక్ 0-6, 6-3, 6-3తో మోనికా పుయిగ్ (ప్యూర్టోరికో)పై గెలిచారు.
First win over a World No.1. First time into the R16 at a Slam. @K_Siniakova | #RG19 pic.twitter.com/vgAnzJ2x5e
— Roland-Garros (@rolandgarros) June 1, 2019
పురుషుల సింగిల్స్ మూడో రౌండ్లో టాప్ సీడ్ నొవాక్ 6-3, 6-3, 6-2తో కారుసో (ఇటలీ)పై విజయం సాధించాడు. గ్రీసు వీరుడు సిట్సిపాస్ ప్రిక్వార్టర్స్లో అడుగుపెట్టాడు. మూడో రౌండ్లో 7-5, 6-3, 6-7 (7-5), 7-6 (8-6)తో క్రాజానోవిచ్ (క్రొయేషియా)పై గెలిచాడు. గత 83 ఏళ్లలో రొలాండ్ గారోస్లో ప్రిక్వార్టర్స్ చేరిన తొలి గ్రీకు ఆటగాడిగా సిట్సిపాస్ ఘనత సాధించాడు. మోన్ఫిల్స్ (ఫ్రాన్స్), ఫాగ్నిని (ఇటలీ) ప్రిక్వార్టర్స్ చేరారు. జర్మనీ కుర్రాడు అలెగ్జాండర్ జ్వెరెవ్ 6-4, 6-2, 4-6, 1-6, 6-2తో లజోవిచ్ (క్రొయేషియా)ను ఓడించాడు. వావ్రింకా (స్విట్జర్లాండ్), డొమినిక్ థీమ్ (కెనడా), స్ట్రఫ్ (జర్మనీ), బోర్నా కొరిచ్ (క్రొయేషియా) కూడా ప్రిక్వార్టర్స్ చేరుకున్నారు.
పురుషుల డబుల్స్ రెండో రౌండ్లో లియాండర్ పేస్ ఓడిపోయాడు. పేస్-పెయిర్ (ఫ్రాన్స్) 0-6, 6-4, 3-6తో కబాల్-ఫరా (కొలంబియా) చేతిలో పరాజయం చవిచూశారు. మిక్స్డ్ డబుల్స్లో జీవన్ నెడుంచెజియన్ ఓడాడు. తొలి రౌండ్లో జీవన్-మూర్ 7-5, 4-6, 0-1 (5-10)తో చెన్-మరాచ్ చేతిలో ఓడారు.