గాయంతో పోటీ నుంచి తప్పుకుని:
తుది పోరుకు అర్హత సాధించడం స్విస్ మాస్టర్కు ఇది ఏడోసారి. ఆదివారమే మారిన్ సిలిచ్ (క్రొయేషియా)తో టైటిల్ సమరం. శుక్రవారం పురుషుల సింగిల్స్ సెమీఫైనల్లో రోజర్ 6-1, 5-2తో చంగ్పై ఆధిక్యంలో ఉన్న సమయంలో ప్రత్యర్థి గాయంతో పోటీ నుంచి తప్పుకున్నాడు. ‘‘ఈ టోర్నీలో చంగ్ అద్భుతంగా ఆడాడు. చివరి వరకు అతను పోరాడేతత్వం ఎంతో నచ్చింది. ఈ దశకు రావడంతోనే చంగ్ తానో గొప్ప ఆటగాడని నిరూపించుకున్నాడు. ఛాంపియన్ అయ్యే అన్ని లక్షణాలు అతనిలో ఉన్నాయి. అతను త్వరలోనే టాప్-10 ఆటగాడు అవుతాడు'' అని ఫెదరర్ అన్నాడు.
రోహన్ బోపన్నతో కలిసి:
రోహన్ బోపన్నతో కలిసి మిక్స్డ్ డబుల్స్లో ఫైనల్ చేరిన హంగేరి అమ్మాయి బబోస్.. మహిళల డబుల్స్లో మ్లదనోవిచ్ (ఫ్రాన్స్)తో కలిసి టైటిల్ కొట్టింది. ఫైనల్లో ఐదోసీడ్ బబోస్-మ్లదనోవిచ్ 6-4, 6-3తో రెండో సీడ్ మకరోవా-వెస్నీనా (రష్యా)ను వరుస సెట్లలో ఓడించారు.
అతనికదే తొలి టైటిల్:
మిక్స్డ్ డబుల్స్లో రోహన్ బోపన్న జోడీ ఫైనల్లో ప్రవేశించింది. సెమీఫైనల్లో ఐదో సీడ్ బోపన్న-తిమియా బబోస్ (హంగేరి) 7-5, 5-7 (10-6)తో మార్టినెజ్ సాంజెస్ (స్పెయిన్)-డిమోలినర్ (బ్రెజిల్)ను ఓడించారు. టైటిల్ సమరంలో బోపన్న జోడీ.. దబ్రౌస్కీ (కెనడా)-పవిచ్ (క్రొయేషియా)తో తలపడనుంది. ఇప్పుడు ప్రత్యర్థిగా ఉన్న దబ్రౌస్కీతో కలిసే 2017 ఫ్రెంచ్ ఓపెన్లో బోపన్న మిక్స్డ్ డబుల్స్ టైటిల్ కొట్టాడు. కెరీర్లో అతనికదే తొలి టైటిల్.