వింబుల్డన్: రఫెల్‌ నాదల్‌ను జకోవిచ్ రఫాడించాడు

లండన్‌: నిరుటి ఛాంపియన్ రఫెల్ నాదల్‌ను నోవక్ జకోవిచ్ రఫాడించాడు. వింబుల్డన్ పురుషుల సింగిల్స్ ఫైనల్‌లో రఫెల్ నాదల్‌ను మట్టి కరిపించి తొలిసారి టైటిల్‌ను సొంతం చేసుకున్నాడు. నాదల్‌పై జకోవిచ్ 6-4, 6-1, 1-6, 6-3 స్కోరుతో విజయం సాధించాడు. ఇరవై నాలుగేళ్ల సెర్బియా ఆటగాడు జకోవిచ్‌కు ఇది మూడో గ్రాండ్ స్లామ్ టైటిల్. అతను 2008, 2011ల్లో ఆస్ట్రేలియా ఓపెన్ టైటిల్ గెలుచుకున్నాడు.

గత 51 మ్యాచుల్లో అతనికి ఇది 50వ విజయం కావడం విశేషం. సోమవారంనాడు జకోవిచ్ నాదల్ నెంబర్ వన్ స్థానాన్ని కొల్లగొడుతాడు. జకోవిచ్ సర్వీసులోనే తన సామర్థ్యాన్ని ప్రదర్శించి నాదల్‌ను ఇబ్బందుల పాలు చేశాడు. ఈ విజయంతో జకోవిచ్ ఆనందంతో తేలిపోయాడు.