ఫెదరర్ పై పోట్రో సంచలన గెలుపు

న్యూయార్క్: యుఎస్ ఓపెన్ పురుషుల సింగిల్స్ లో అర్జెంటీనాకు చెందిన జాన్ మార్టిన్ డెల్ పోట్రో సంచలనం సృష్టించాడు. ఫైవ్ టైమ్స్ ఛాంపియన్ రోజర్ ఫెదరర్ ను పొట్రో ఓడించాడు. అతను ఫెదరర్ ను సోమవారం జరిగిన ఫైనల్ లో 3-6, 7-6, 4-6, 7-6, 6-2 స్కోరుతో ఓడించి టైటిల్ దక్కించుకున్నాడు.

నాలుగు గంటల ఆరు నిమిషాల పాటు సాగిన హోరాహోరీ పోరులో 20 ఏళ్ల పోట్రో రోజర్ ఫెదరర్ ను ఓడించి తొలి గ్రాండ్ స్లామ్ ను గెలుచుకున్నాడు. ఈ వారం తనకు రెండు స్వప్నాలున్నాయని ట్రోఫీ ప్రదాన కార్యక్రమంలో ఆరో సీడ్ పోట్రో అన్నాడు. ఒకటి యుఎస్ ఓపెన్ గెలవడం, రెండోది రోజర్ లాగా ఉండడం అని ఆయన అన్నాడు. తనకు ఈ రోజు చాలా ఆనందంగా ఉందని, ఈ ప్రజలకు, ఈ కోర్టు తన ఆలోచనలో ఎప్పుడూ ఉండిపోతుందని అన్నాడు.