సెమీస్‌లో భూపతి జంట ఓటమి

మెల్బోర్న్: సెమీస్‌లో ఓటమి పాలు కావడం ద్వారా మహేశ్ భూపతి- మార్క్ నౌల్స్ (బహామస్) జంట ఆస్ట్రేలియా ఓపెన్ టెన్నిస్ టోర్నీ నుంచి నిష్క్రమించింది. ఎనిమిదో సీడ్ జోనాథన్ ఎల్రిచ్- ఆండీ రాం జంట గంట 32 నిమిషాల్లో 6-4, 6 -4తో వారిని ఓడించింది.

క్వార్టర్ ఫైనల్లో టాప్ సీడ్ అమెరికన్ జంట బ్రయాన్ సోదరులను మట్టి కరిపించిన ఆరో సీడ్ భూపతి- నౌల్స్ జంట బ్రేక్ పాయింట్ అవకాశాలను చేజార్చుకుంది. తొలి సెట్లో నాలుగు, రెండో సెట్లో రెండు బ్రేక్ పాయింట్ అవకాశాలు వదులుకోగా, ఎల్రిచ్- రాం జంట మాత్రం దొరికిన రెండు అవకాశాలను సద్వినియోగం చేసుకుని విజయం సాధించింది.