సరి చేసుకోకుంటే సానియా పెళ్లికి బ్రేక్

హైదరాబాద్: తలాక్ నామాను సరి చేసుకోకపోతే పాకిస్తాన్ క్రికెటర్ షోయబ్ మాలిక్, టెన్నిస్ క్రీడాకారిణి సానియా మీర్జాల పెళ్లికి బ్రేక్ పడే అవకాశం ఉంది. ఈ విషయాన్ని చీఫ్ ఖాజీ ఖాదర్ అలీ ఖాన్ చెప్పినట్లు ఓ ప్రైవేట్ తెలుగు టీవి చానెల్ వార్తను ప్రసారం చేసింది. హైదరాబాదులో ఆరుగురు ఖాజీలున్నారని, తాము ఖాదర్ అలీని సంప్రదించినట్లు ఆ చానెల్ తెలిపింది. షోయబ్ మాలిక్ అయేషాకు ఇచ్చిన విడాకుల పత్రంపై తండ్రి పేరు మార్చాడనే వార్తల నేపథ్యంలో ఖాదర్ అలీ ఖాన్ ఆ విధంగా అన్నారు.

తలాక్ నామాపై తండ్రి పేరు తప్పు రాసినందుకు అయేషా సిద్దిఖి కేసు పెట్టే అవకాశాలు కూడా ఉన్నట్లు తెలుస్తోంది. ప్రస్తుత పరిణామం నేపథ్యంలో సానియా, షోయబ్ ల పెళ్లి ఈ నెల 15వ తేదీన అయినా జరుగుతుందా అనే అనుమానాలు జరుగుతున్నాయి. షోయబ్ వివాదాలతో సానియా తల్లిదండ్రులు తీవ్ర అసంతృప్తితో ఉన్నట్లు తెలుస్తోంది.