నాగపూర్ టెస్టు మ్యాచ్ ప్రారంభంలో జాప్యం: తడిసిన మైదానం

నాగపూర్: భారత్, న్యూజిలాండ్ ల మధ్య మూడోది, చివరిది అయిన నాగపూర్ టెస్టు మ్యాచ్ ప్రారంభంలో జాప్యం జరగనుంది. విదర్భ క్రికెట్ స్టేడియం మైదానం తడిసి ముద్ద కావడంతో మ్యాచ్ ప్రారంభమయ్యే స్థితిలో లేదు. దీంతో మ్యాచ్ ఆలస్యంగా ప్రారంభం కానుంది. గత కొద్ది రోజులు నాగపూర్ లో భారీ వర్షాలు కురిశాయి. దీంతో మైదానం పూర్తిగా తడిసిపోయింది. అయితే గత రాత్రి వర్షం లేకపోవడం కాస్తా ఊరట కలిగించే విషయం.

గత రెండు టెస్టు మ్యాచులు కూడా డ్రా కావడంతో ఈ మ్యాచ్ ను గెలుచుకోవాలనే పట్టుదలతో భారత, న్యూజిలాండ్ జట్లు బరిలోకి దిగాయి. భారత క్రికెట్ జట్టు కెప్టెన్ మహేంద్ర సింగ్ ధోనీ, న్యూజిలాండ్ కెప్టెన్ వెట్టోరీ కూడా తమ జట్ల విజయం కోసం వ్యూహాలు పన్నుతున్నారు. సచిన్ టెండూల్కర్ ఈ మ్యాచులోనైనా తన 50వ సెంచరీ పూర్తి చేస్తాడా అనేది ఆసక్తికరమైన విషయం.