ఫిఫా కప్: 24 ఏళ్ల తర్వాత జర్మనీ గెలుపు (పిక్చర్స్)

By Pratap

Published: Tuesday, November 14, 2017, 10:22 [IST]

రియో డి జనీరో: నెల రోజుల పాటు ఆసక్తికరంగా, ఉత్కంఠభరితంగా సాగిన సాకర్ ప్రపంచ కప్ పోటీల్లో జర్మనీ విజేతగా నిలిచింది. ఆదివారం హోరాహోరీ సాగిన పోరులో అర్జెంటీనాను 1-0 స్కోరుతో ఓడించి జర్మనీ కప్‌ను ఎగురేసుకుపోయింది. ఇరు జట్లు 45 నిమిషాల పాటు గోల్ చేయలేకపోయాయి.

24 ఏళ్ల తర్వాత జర్మనీ ప్రపంచ కప్ విజేతగా నిలిచింది. గతంలో 8 సార్లు ఫైనల్‌కు చేరుకుని నాలుగు సార్లు విజయం సాధించింది. 1990లో చివరిసారి జర్మనీ విజేతగా నిలించింది. ఇది రెండు జట్ల మధ్య మూడో ఫైనల్ మ్యాచ్. అర్జెంటీనా 1986లో విజయం సాధించింది.

ఆట ఆరంభం నుంచే ఇరు జట్లు విరుచుకుపడ్డాయి. బంతి ఎక్కువ శాతం జర్మనీ చేతుల్లో ఉన్నప్పటికీ గోల్ పోస్టులపై దాడుల్లో అర్జెంటీనా దూసుకెళ్లింది.