టూ హాట్ : గెలిచిన సంబరంలో.. "న్యూడ్ పోజ్" ఇచ్చిన మహిళల టీమ్

డెన్మార్క్ : గెలుపు మనుషులను పట్టరాని సంతోషంతో ఉక్కిరిబిక్కిరి చేస్తుంది. అయితే, ఎంతటి గెలుపునైనా నిరాడంబరంగా స్వీకరించేవాళ్లు కొందరైతే, తమ గెలుపును అందరికంటే వినూత్నంగా చాటుకోవాలని ఉబలాటపడేవాళ్లు మరికొంతమంది. డెన్మార్క్ మహిళా హ్యాండ్ బాల్ టీమ్ కూడా ఈ రెండో కోవకు చెందినదే.

గత నాలుగేళ్లో వరుసగా మూడోసారి ఈహెచ్ఎఫ్ ట్రోఫిని సొంతం చేసుకున్న డెన్మార్క్ హోల్ స్ట్రెబో మహిళల జట్టు తమ విజయాన్ని ఓ న్యూడ్ పోజ్ ద్వారా ప్రపంచం ముందు పెట్టింది. టీమ్ లోని మహిళలంతా బాత్ రూమ్ లోని షవర్ కింద ట్రోఫి పట్టుకుని న్యూడ్ పోజ్ ఇచ్చారు. కాగా.. ఇది మహిళల క్రీడా స్ఫూర్తికి విఘాతం కలిగించే చర్య అని కొందరు వాదిస్తుంటే, ఇందులో తప్పేముందని ప్రశ్నిస్తున్నారు టీమ్ లోని మహిళలు.

ఇక మ్యాచ్ విషయానికి వస్తే.. డెన్మార్క్ రష్యా మధ్య జరిగిన ఫైనల్ గెలుపుపై ఉత్కంఠ రేపింది. మ్యాచ్ ప్రథామర్థంలో రష్యా జట్టు ఆధిక్యం దిశగా కనిపించినా.. చివరికి 61:52 తేడాతో డెన్మార్క్ చేతిలో ఓడిపోయింది. దీంతో గెలుపు సంబరాల్లో మునిగిపోయిన డెన్మార్క్ హ్యాండ్ బాల్ మహిళల టీమ్ ఇప్పుడు ఈ న్యూడ్ ఫోట్ తో అందరి నోటా హాట్ టాపిక్ గా మారింది.