ఒలింపిక్స్‌లో ఊహించని సంఘటన: ముద్దాడిన 'గే' (ఫోటోలు)

హైదరాబాద్: ప్యాంగ్ చాంగ్ వేదికగా జరుగుతోన్న వింటర్ ఒలింపిక్స్‌లో ఊహించని సంఘటన ఒకటి చోటు చేసుకుంది. ఒకే ఒక 'కిస్'‌తో అమెరికాకు చెందిన ప్రీ స్టయిల్ స్కైయెర్ గస్‌ కెన్‌వర్తీ ఒక్కసారిగా వార్తల్లోకి వచ్చాడు. అయితే ఈ కిస్ 'గే' కిస్ కావడం విశేషం.

టోర్నీలో భాగంగా ఆదివారం ఫీనెక్స్ స్నో పార్క్‌లో స్లోప్‌ స్టయిల్‌ ఈవెంట్‌ జరిగింది. అయితే, ఈవెంట్‌లో పాల్గొన్న 12 మంది అథ్లెట్లలో గస్‌ కెన్‌వర్తీనే చివరివాడిగా నిలవడం విశేషం. అయితే, ఈవెంట్‌లో పెద్దగా రాణించని కెన్‌వర్తీ.. అనంతరం తన బాయ్‌ఫ్రెండ్‌ మాథ్యూ విల్కాస్‌కు ముద్దు ఇస్తూ కెమెరాకు చిక్కాడు.

ఆఖరి స్థానంలో వచ్చిన తన 'గే' బాయ్‌ప్రెండ్‌ని అభినందించే క్రమంలో చుట్టూ ఉన్న పరిస్థితిని పట్టించుకోకుండా వీరిద్దరూ ముద్దుల్లో మునిగిపోయారు. ఇంతలో ఈ దృశ్యాలను అక్కడే ఉన్న కెమెరామెన్‌లు తన కెమెరాల్లో బంధించారు. దీంతో ఈ ఫోటోలు సోషల్ మీడియాలో ఒక్కసారిగా వైరల్ అయ్యాయి.

దీంతో బ్రిటిష్ సంతతికి చెందిన కెన్‌వర్తీ ఒక్కరాత్రికే ఎల్జీబీటీ కమ్యూనిటీకి హీరో అయ్యాడు. సోమవారం ఈ ఫోటోలపై కెన్‌వర్తీ తన ట్విట్టర్‌లో స్పందించాడు. 'ఈ మూమెంట్‌ను కెమెరాలో బంధిస్తారని అనుకోలేదు. ఈ రకంగా మా గురించి ప్రపంచానికి చెప్పడం చాలా సంతోషంగా ఉంది. నా చిన్నతనంలో ఎప్పుడూ గే కిస్‌ను టీవీల్లో చూడలేదు. ఇదే తొలిసారి కావొచ్చు. ఒక పిల్లాడు ఇంట్లో కూర్చొని మా ప్రేమను చూసే అవకాశం కల్పించారు. లవ్ ఈజ్ లవ్' అని కెన్‌వర్తీ ట్వీట్ చేశాడు.

Didn't realize this moment was being filmed yesterday but I'm so happy that it was. My childhood self would never have dreamed of seeing a gay kiss on TV at the Olympics but for the first time ever a kid watching at home CAN! Love is love is love. pic.twitter.com/8t0zHjgDg8

— Gus Kenworthy (@guskenworthy) February 19, 2018

Thank you all for the support. I love you. pic.twitter.com/HUky5MSh6W

— Gus Kenworthy (@guskenworthy) February 19, 2018