కజక్..ఫసక్: ఒలింపిక్స్‌లో క్వార్టర్ ఫైనల్స్‌కు దూసుకెళ్లిన భారత్

కజక్..కసక్

ఈ రెండు ఈవెంట్లల్లో ప్లేయర్లు ఆడిన తీరు మెడల్స్‌పై ఆశలను రేకెత్తించాయి. పురుషుల అర్చరీ ఎలిమినేషన్ రౌండ్‌ జపాన్ కాలమానం ప్రకారం..ఈ ఉదయం 9:30 గంటలకు ప్రారంభమైంది. ఈ రౌండ్‌లో భారత అర్చర్లు అతాను దాస్, తరుణ్‌దీప్ రాయ్, ప్రవీణ్ జాదవ్ పోటీ పడ్డారు. కజకిస్తాన్‌కు చెందిన అబ్దుల్లిన్ ఇల్ఫత్, గంకిన్ డెనిస్, ముస్సయేవ్‌ శాంఝర్‌ను ఢీ కొట్టారు. ఈ రౌండ్‌ను వారు ఏకపక్షంగా మార్చివేశారు. కజకిస్తాన్ అర్చర్లపై పూర్తి ఆధిపత్యాన్ని ప్రదర్శించారు. 6-2 తేడాతో ఓడించారు.

సెట్ల వారీగా పాయింట్లు..

తొలుత కజకిస్తాన్ అర్చర్లు 10-9-9తో ఆరంభించారు. వారికి పోటీగా భారత్ 9-9-8 స్కోర్‌ను సాధించింది. ఆ తరువాతి సెట్‌లో కజక్ ఆర్చర్లు విఫలం అయ్యారు. 8-8-10 పాయింట్లను సాధించారు. దీనితో భారత త్రయం ఊపిరి పీల్చుకోగలిగింది. అతాను దాస్, ప్రవీణ్ జాదవ్ పదేసి చొప్పున పాయింట్లను సాధించడంతో భారత్‌కు రెండు పాయింట్ల ఆధిక్యత లభించింది. 10-10-9 స్కోర్‌ను సాధించింది భారత్. రెండో సెట్‌లో కజకిస్తాన్ తన వైఫల్యాన్ని కొనసాగిచింది.

థర్డ్ రౌండ్‌లో గట్టి పోటీ..

తొలి సెట్ తొలి రౌండ్‌లో కంటే అధ్వాన్నంగా కనిపించారు. రెండో సెట్ తొలి రౌండ్‌లో 8-8-8 పాయింట్లను నమోదు చేయగా.. ఆ అవకాశాన్ని భారత అర్చర్లు ఏ మాత్రం వదలుకోలేదు. వారికంటే అధిక పాయింట్ల సాధించారు. ఈ రౌండ్‌లో కూడా రెండు పాయింట్ల ఆధిక్యాన్ని భారత అర్చర్లు నమోదు చేశారు. మూడో సెట్‌లో మాత్రం కజకిస్తాన్ ఆర్చర్లు రెచ్చిపోయారు. భారత్‌తో సమానంగా పాయింట్లను సాధించారు. 10-10-9తో మూడో సెట్ రెండు రౌండ్లనూ ముగించారు.

Imran Nazir slams Pakistan sports authorities for sending only 10 athletes to Tokyo Olympics

ఫోర్త్ రౌండ్‌లో ఆధిక్యత..

ఈ రౌండ్‌లో భారత అర్చర్ల త్రయం వారికి ధీటుగా సమాధానం ఇచ్చింది. ఆధిక్యతను తగ్గనివ్వలేదు. ఈవెంట్ ఫలితాన్ని శాసించే నాలుగో రౌండ్‌లో అతాను దాస్, తరుణ్‌దీప్ రాయ్, ప్రవీణ్ జాదవ్ అద్భుతంగా రాణించారు. నాలుగో సెట్‌లో 10,8,9,8,10,10:55 పాయింట్లను అందుకోగా.. కజకిస్తాన్ అర్చర్లు 9,9,10,7,9,10:54 పాయింట్లు చేశారు. పాయింట్ల ఆధారంగా భారత్‌ విజయం సాధించింది. క్వార్టర్ ఫైనల్‌లో అడుగు పెట్టింది. ఇందులో ప్రపంచ ఛాంపియన్ దక్షిణ కొరియా అర్చర్లను భారత త్రయం ఢీ కొట్టాల్సి ఉంది. ఈ రౌండ్ ఈ ఉదయం 10:15 నిమిషాలకు ప్రారంభమౌతుంది.