చాముండి అరెస్టుపై స్టే కొనసాగింపు

హైదరాబాద్: మహిళా క్రికెటర్లపై వేధింపుల కేసులో ఆంధ్రా క్రికెట్ అసోసియేషన్ (ఎసిఎ) మాజీ కార్యదర్శి చాముండేశ్వరీనాథ్ కు రాష్ట్ర హైకోర్టు నుంచి ఊరట లభించింది. ఈ కేసులో ఆయన అరెస్టుపై ఉన్న స్టేను హైకోర్టు బుధవారం పొడగించింది. చాముండేశ్వరీనాథ్ ను అరెస్టు చేయకూడదని ఆదేశిస్తూ ఆ స్టేను హైకోర్టు ఇచ్చింది.

చాముండేశ్వరీనాథ్ కేసుపై సమగ్ర విచారణను రెండు వారాల్లోగా పూర్తి చేయాలని హైకోర్టు పోలీసులను ఆదేశించింది. ఈ దర్యాప్తు ముగిసే వరకు చాముండి అరెస్టుపై స్టే కొనసాగుతుందని స్పష్టం చేసింది. తమను చాముండి లైంగిక వేధించారని ఆరోపిస్తూ కొంత మంది మహిళా క్రికెటర్లు పోలీసులకు ఫిర్యాదు చేసిన విషయం తెలిసిందే.