వెంగ్ సర్కార్ స్థానంలో శ్రీకాంత్?

కోల్ కత్తా: భారత క్రికెట్ నియంత్రణ మండలి (బిసిసిఐ) సెలెక్టర్ల కమిటీ చైర్మన్ గా చెన్నైకి చెందిన కృష్ణమాచారి శ్రీకాంత్ ఎంపికయ్యే అవకాశాలున్నాయి. వెంగ్ సర్కార్ ఆ పదవి నుంచి తప్పుకుంటే శ్రీకాంత్ కు ఆ అవకాశం దక్కవచ్చు. గతంలో ఓపెనరుగా శ్రీకాంత్ కు మంచి పేరుంది. సెలెక్టర్లకు సొమ్ము చెల్లించాలని బిసిసిఐ నిర్ణయించినప్పటికీ తగిన వారు దొరకడం దుర్లభంగానే ఉంది. బిసిసిఐ ఏడాదికి 25 లక్షల రూపాయలు మాత్రమే చెల్లిస్తుండగా మాజీ క్రికెటర్లకు టీవీ అసైన్ మెంట్స్ ద్వారా, ఇతరత్రా అంతకన్నా ఎక్కువ ముడుతోంది.

బిసిసిఐ నిబంధనలు కూడా అడ్డంకిగా మారాయి. పదేళ్ల కింద క్రికెట్ నుంచి రిటైర్ అయి ఉండాలనేది అందులో ఒకటి. బిసిసిఐ వార్షిక సర్వ సభ్య సమావేశం ఈ నిబంధనను తొలగించే అవకాశం కూడా లేకపోలేదు. వెంగ్ సర్కార్ తప్పుకోవడానికి సిద్ధంగా ఉండటంతో ఆయన స్థానంలో కృష్ణమాచారి శ్రీకాంత్ కు అవకాశం ఉండవచ్చునని అంటున్నారు.