ఒత్తిడి మనపై ఉన్నా ప్రపంచకప్ భారత్‌ దే: చీఫ్ సెలెక్టర్ శ్రీకాంత్

చెన్నై: 2011 ప్రపంచకప్ భారత్ గెలుచుకుంటుందని చీఫ్ సెలక్టర్ శ్రీకాంత్ సోమవారం జట్టును ప్రకటించిన తర్వాత అభిప్రాయపడ్డారు. దక్షిణాఫ్రికా పర్యటనలో ఆటగాళ్లు గాయపడినంత మాత్రాన వరల్డు కప్ గెలవటంలో వెనుకడుగు వేసేది లేదని అన్నారు. ఫిబ్రవరి 19నుండి ప్రపంచ కప్ ప్రారంభమవుతుందని, అందులో తప్పకుండా భారత్ గెలుస్తుందన్నారు.

స్వదేశంలో ప్రపంచకప్ జరుగుతున్నందున సహజంగానే ఆటగాళ్లలో ఒత్తిడి ఉంటుందని చెప్పారు. అయినా గెలుపు మాత్రం ఖాయమన్నారు. జట్టులో 8 మంది బ్యాట్స్ మెన్, ముగ్గురు స్పిన్నర్లు, నలుగురు ఫేసర్లు, ఇద్దరు ఆల్ రౌండర్లు ఉన్నారు. కాగా జట్టులో శ్రీశాంత్, ఇషాంత్, రోహిత్ శర్మ, పార్ధివ్ పటేల్, ఓజాలకు చోటు దక్కలేదు.