నాలుగేళ్ల తర్వాత రెండోసారి క్వార్టర్ ఫైనల్‌కు ఫెర్రర్

న్యూయార్క్: న్యూయార్క్‌లో జరుగుతున్న యుఎస్ ఓపెన్ టెన్నిస్ టోర్నీలో భాగంగా జరిగిన ఫ్రీ క్వార్టర్ ఫైనల్ మ్యాచ్‌లో డేవిడ్ ఫెర్రర్ విజయం సాధించి క్వార్టర్ ఫైనల్‌కు చేరుకున్నాడు. గాయం కారణంగా రఫెల్ నాదల్ మ్యాచ్‌కు దూరమైన విషయం తెలిసిందే. వరుణుడు అంతరాయం కలిగించడంతో తొమ్మిదో రోజు మంగళవారం మ్యాచ్‌లకు తీవ్ర అంతరాయం కలిగింది. ఎడతెరిపి లేకుండా వర్షం కురువడంతో సాయంత్రం, రాత్రి వేళల్లో జరగాల్సిన మ్యాచ్‌లు వాయిదా పడ్డాయి.

వర్షం కారణంగా ఏడు గంటలకు పైగా సాగిన ప్రీ క్వార్టర్స్‌లో నాలుగో సీడ్ ఫెర్రర్ 7-5, 7-6 (7-2), 6-4తో పదమూడవ సీడ్ రిచర్డ్ గాస్కే (ఫ్రాన్స్)పై విజయం సాధించాడు. ఈ విజయం వల్ల నాలుగేళ్ల తర్వాత ఈ టోర్నీలో రెండోసారి క్వార్టర్ ఫైనల్‌కు చేరుకున్నాడు. స్థానిక కాలమానం ప్రకారం మధ్యాహ్నం ఒంటిగంట 15 నిమిషాలకు మొదలైన ఈ మ్యాచ్ అంతరాయాల కారణంగా రాత్రి ఎనిమిదిన్నర గంటలకు ముగిసింది.

వర్షం చాలా ఇబ్బంది కలిగించింది. ఐతే అభిమానులు ఓపికతో ఎంతో సహనంగా కూర్చోని మ్యాచ్‌ని తిలకించారు. వారికోసమే ఈ మ్యాచ్‌ను గెలవాలనుకున్నానని మ్యాచ్ తర్వాత డేవిడ్ ఫెర్రర్ వ్యాఖ్యానించాడు. 2007లో యూఎస్ ఓపెన్‌లో సెమీఫైనల్‌కు చేరిన ఈ స్పెయిన్ స్టార్ ఈసారి క్వార్టర్ ఫైనల్లో ఎనిమిదో సీడ్ టిప్సరెవిచ్ (సెర్బియా) లేదా 19వ సీడ్ కోల్‌ష్రైబర్ (జర్మనీ)తో తలపడతాడు.

తెలుగు వన్ఇండియా