పాయింట్ తేడాతో భారత మహిళల ఆర్చరీజట్టు ఓటమి

లండన్, జులై 29: భారత మహిళల ఆర్చరీ జట్టుకు ఒలింపిక్స్ లో నిరాశే ఎదురయింది. ప్రఖ్యాత లార్డ్స్ క్రికెట్ మైదానంలో జరిగిన టీమ్ ఈవెంట్ ప్రిక్వార్టర్ ఫైనల్లో డెన్మార్క్ చేతిలో భారత టీమ్ ఒక్క పాయింట్ తేడాతో ఓడిపోయింది. దీపికా కుమారి, బొంబేలా దేవి, సువురో చక్రవోలులతో కూడిన భారత్ టీమ్ 210 పాయింట్లు సాధించగా డెన్మార్క్ ఆర్చర్లు 211 పాయింట్లు గెల్చుకున్నారు.

ఇది ఇలా ఉంటే ఒలింపిక్స్ నుండి పురుషుల విభాగంలో కూడా భారత ఆర్చరీ జట్టు నిష్క్రమించింది. శనివారం తీవ్ర ఉత్కంఠ మధ్య లార్డ్స్ క్రికెట్ మైదానంలో జరిగిన పోటీల్లో జపాన్ జట్టు చేతిలో భారత జట్టు ఓడిపోయింది. జయంత్ తాలూక్ దార్, రాహుల్ బెనర్జీ, తరుణ్ దీప్ రాయ్ శుక్రవారం జరిగిన రౌండ్ లో 12వ ర్యాంక్ సాధించారు. అయితే, జపాన్ తో జరిగిన పోటీలో శనివారం ఓడిపోయారు. జపాన్ కు చెందిన యూ ఇషిజూ, హిడెకీ కికుచి, తకహరు ఫురుకువా జట్టు భారత్ పై గెలిచింది.

రెగ్యులేషన్ ప్లేలో రెండు పాయింట్లు లీడ్ లో ఉన్న భారత క్రీడాకారులు టై బ్రేకర్ తో జపాన్ క్రీడాకారులు సమం చేశారు. దీంతో భారత ఆటగాళ్లు తీవ్ర నిరాశకు గురయ్యారు. భారత క్రీడాకారులు ముగ్గురు సోమవారం జరిగి వ్యక్తిగత ఎలిమినేషన్స్ రౌండ్స్ లో పాల్గొనున్నారు.

తెలుగు వన్ఇండియా