యూరో 2012: జర్మనీకి హ్యాట్రిక్ విజయం

ల్వివ్, జూన్ 19: యూరో కప్ గ్రూప్-బిలో ఎవరూ ఊహించని రీతిలో జరిగింది. గతేడాది రన్నరప్‌గా జర్మనీ (9) హ్యాట్రిక్ విజయాలను సొంతం చేసుకోని గ్రూప్ బిలో టాపర్‌గా నిలిచి క్వార్టర్స్‌కు దూసుకెళ్లగా.. సాకర్ ప్రపంచ కప్ రన్నరప్ నెదర్లాండ్స్ హ్యాట్రిక్ పరాజయాలు మూటగట్టుకుని అవమానకర రీతిలో యూరో 2012 టోర్నీ నుండే నిష్క్రమించింది. ఇది ఇలా ఉంటే 1980 తర్వాత డచ్ లీగ్ దశలో నిష్క్రమించడం ఇదే తొలిసారి. అన్ని లీగ్ మ్యాచ్‌ల్లోనూ డచ్ పరాజయం పాలైంది.

UEFA యూరో 2012 రిజల్ట్స్ | యూరో 2012 గ్రూప్స్

యూరో 2012 జట్లు | యూరో 2012 మ్యాచ్‌లు

కాగా టోర్నీలో ఓటమే ఎరుగని జర్మనీ లీగ్ దశలో వరస విజయాలను నమోదు చేసింది. క్వార్టర్స్ పోరులో గ్రీస్‌ను ఎదుర్కోనుంది. చివరి లీగ్‌లో జర్మనీ 2-1తో డెన్మార్క్‌ను ఓడించింది. 19వ నిమిషంలో జర్మనీ స్ట్రయికర్ పొడొల్‌స్కీ గోల్ చేసి ఆధిక్యం అందించాడు. కాగా ఆ వెంటనే డెన్మార్క్ ఆటగాడు క్రోన్ డెల్హి (24వ ని) గోల్ చేయడంతో స్కోరు 1-1తో సమమైంది. కాగా ఆట చివర్లో లార్స్ బెండర్ (80 వ) గోల్ చేయడంతో జర్మనీ విజయం ఖాయమైంది. కాగా టోర్నీలో ఓ విజయం, రెండు పరాజయాలు నమోదు చేసిన డెన్మార్క్ (3) మూడో స్థానంలో నిలిచి ఇంటిదారి పట్టింది.

యూరో 2012: ఈరోజు జరుగు మ్యాచ్‌లు నియో ప్రైమ్‌లో ప్రత్యక్ష ప్రసారం

రాత్రి 12.15 గంటలకు ఇంగ్లండ్ వర్సెస్ ఉక్రెయిన్

రాత్రి 12.15 గంటలకు నుంచి ఫ్రాన్స్ వర్సెస్ స్వీడన్

తెలుగు వన్ఇండియా